ബർലിൻ : ലോകത്തെ മികച്ച നേതാക്കളിൽ മൂന്നാമനായി ഇന്ത്യൻ പ്രധാനമന്ത്രി നരേന്ദ്രമോദി.യുകെ ആസ്ഥാനമായി പ്രവർത്തിക്കുന്ന ഡെവലപ്മെന്റ് അക്കാദമി നടത്തിയ പഠനത്തിലാണ് ലോകത്തെ മികച്ച നേതാക്കളിൽ മൂന്നാം സ്ഥാനം നരേന്ദ്രമോദിക്കാണെന്ന് കണ്ടെത്തിയത്.മോദിയുടെ അവതരണ ശൈലിയാണ് മറ്റുള്ളവരിൽ നിന്നും അദ്ദേഹത്തെ വ്യത്യസ്തനാക്കുന്നത് പഠനത്തിൽ സൂചിപ്പിച്ചിട്ടുണ്ട്. മോദിയുടെ കണ്ണുകളും പോസിറ്റീവ് ശരീരഭാഷയും ജനങ്ങളെ ആകർഷിക്കുന്നുണ്ടെന്നും തന്റെ പ്രസംഗം കൂടുതൽ ആകർഷണീയം ആക്കാൻ അദ്ദേഹം ശബ്ദത്തിൽ ഏറ്റക്കുറച്ചിലുകൾ വരുത്താറുണ്ടെന്നും പഠനറിപ്പോർട്ടിൽ വ്യക്തമാക്കിയിട്ടുണ്ട്.
അതേ സമയം, അവതരണ രീതിയിൽ ബ്രിട്ടീഷ് പ്രധാനമന്ത്രി ബോറിസ് ജോൺസനും അമേരിക്കൻ പ്രസിഡന്റ് ഡൊണാൾഡ് ട്രംപും കുറച്ചു കൂടി മികവു പുലർത്തണമെന്ന് പഠനം പറയുന്നു. ന്യൂസിലാൻഡ് പ്രധാനമന്ത്രി ജെസിന്ദ ആർഡേർണാണ് ലോകത്തെ മികച്ച നേതാക്കളിൽ ഒന്നാം സ്ഥാനത്തുള്ളത്.രണ്ടാം സ്ഥാനം ജർമൻ ചാൻസലർ ആയ ആംഗലാ മെർക്കലിനാണ്.
Discussion about this post