ഇസ്രായേലുമായി നയതന്ത്ര സഹകരണമുണ്ടാക്കാന് യുഎഇ ഒരുങ്ങുന്നുവെന്ന റിപ്പോര്ട്ടിന് പിന്നാലെ ചര്ച്ചയുമായി സോഷ്യല് മീഡിയ. കഴിഞ്ഞ ദിവസമാണ് അമേരിക്കയുടെ മധ്യസ്ഥതയില് യുഎഇയും-ഇസ്രായേലും സഹകരിക്കാന് തീരുമാനമെടുക്കുന്നുവെന്ന വാര്ത്ത പുറത്ത് വന്നത്. ഇസ്രായേയുമായി സഹകരണം ഉണ്ടാക്കുന്ന ആദ്യ അറബ് രാഷ്ട്രമാവാന് ഒരുങ്ങുകയാണ് യുഎഇ.
ഈ വാര്ത്ത പുറത്ത് വന്നതിന് പിറകെയാണ് ഇസ്രായേല് വിരുദ്ധരായി ചിലര്ക്കെതിരെ ട്രോളുമായി സോഷ്യല് മീഡിയ രംഗത്തെത്തിയത്. യുഎഇ ചതിച്ചാശാനെ, ഷേവ് ഗാസ ഇനി എന്താവുമോ എന്തോ തുടങ്ങിയ പരിഹാസങ്ങളാണ് സോഷ്യല് മീഡിയ ഉയര്ത്തുന്നത്.
അമേരിക്കയുടെ മധ്യസ്ഥതയിലാണ് ഇരു രാജ്യങ്ങളും തമ്മിലുള്ള നയതന്ത്ര ബന്ധം സ്ഥാപിക്കുന്നത്. ഇക്കാര്യം യുഎസ് ഔദ്യോഗികമായി സ്ഥിരീകരിച്ചു കഴിഞ്ഞു.
ജൂതരാഷ്ട്രമായ ഇസ്രായേലുമായി അറബ് രാഷ്ട്രങ്ങളുടെ കുടിപ്പകയ്ക്ക് ദശാബ്ദങ്ങളുടെ പഴക്കമുണ്ട്.പലസ്തീനിലെ വെസ്റ്റ് ബാങ്ക് മേഖലയില് പരമാധികാരം സ്ഥാപിക്കാനുള്ള ശ്രമങ്ങളില് നിന്നും പിന്വാങ്ങുമെന്ന് ഇസ്രായേല് ഉറപ്പു നല്കിയിട്ടുണ്ട്. ഇസ്രായേല് രാഷ്ട്രത്തലവന് ബെഞ്ചമിന് നെതന്യാഹുവും യുഎസ് പ്രസിഡന്റ് ഡൊണാള്ഡ് ട്രംപും തങ്ങളുടെ ട്വിറ്ററില് ഇക്കാര്യം കുറിച്ചിട്ടുണ്ട്.
