തിരുവനന്തപുരം : സർക്കാർ സ്ഥാപനങ്ങളിലെ നിയമനങ്ങൾക്കുള്ള പരീക്ഷാ രീതിയിൽ അടിമുടി പരിഷ്ക്കരണവുമായി പബ്ലിക് സർവീസ് കമ്മീഷൻ. നിയമനങ്ങൾക്ക് മുമ്പ് ഇനി രണ്ടു പരീക്ഷകൾ നടപ്പാക്കും.രണ്ട് ഘട്ടങ്ങളിലായി നടക്കുന്ന ഈ പരീക്ഷകൾ പ്രകാരമായിരിക്കും യോഗ്യത നിശ്ചയിക്കപ്പെടുക.
ആദ്യഘട്ടത്തിൽ സ്ക്രീനിങ് ടെസ്റ്റ് നടത്തും.അതിൽ വിജയിക്കുന്നവർ മാത്രം അന്തിമ പരീക്ഷയെഴുതുമെന്ന് പി.എസ്.സി ചെയർമാൻ എം.കെ സക്കീർ മാധ്യമങ്ങളോട് വെളിപ്പെടുത്തി.നിലവിൽ ഭൂരിഭാഗം നിയമനങ്ങൾക്കും ഒരു പരീക്ഷ മാത്രമാണ് നടത്തുന്നത്. ഇത് രണ്ടു ഘട്ടങ്ങളിലായി നടത്താനാണ് പുതിയ ഭേദഗതി അനുശാസിക്കുന്നത്.സ്ക്രീനിംഗ് ടെസ്റ്റിലൂടെ യോഗ്യരായ ഉദ്യോഗാർഥികളെ എളുപ്പം കണ്ടെത്താൻ സാധിക്കുമെന്നും ചെയർമാൻ അറിയിച്ചു.
Discussion about this post