ദുബായ് : ഔഷധ നിർമ്മാണം, ആരോഗ്യം എന്നീ മേഖലകളിലെ സഹകരണം കൂടുതൽ ശക്തമാക്കാനൊരുങ്ങി ഇന്ത്യയും യുഎഇയും. ഇതിന്റെ ഭാഗമായി ഇന്ത്യയ്ക്ക് ഏഴ് മെട്രിക് ടൺ മെഡിക്കൽ ഉപകരണങ്ങളാണ് യുഎഇ നൽകിയത്.കോവിഡ് ചികിത്സാ രംഗത്ത് പ്രവർത്തിക്കുന്ന ഏഴായിരത്തോളം പേർക്ക് ഇത് വളരെയധികം പ്രയോജനകരമാകും.
ഔഷധ നിർമാണം, ആരോഗ്യം എന്നീ മേഖലകളിൽ കൂടാതെ ഭക്ഷ്യസുരക്ഷാ, വിദ്യാഭ്യാസം, ഉന്നത പഠനാവസരങ്ങൾ, ശാസ്ത്രം, ടൂറിസം എന്നീ മേഖലകളിലെയും രാജ്യങ്ങൾ തമ്മിലുള്ള സഹകരണം ശക്തമാക്കുന്നതിനായി പുതിയ പദ്ധതികൾ ഇരുരാജ്യങ്ങളും വിഭാവനം ചെയ്യുന്നുണ്ട്.ഇന്ത്യൻ പ്രതിനിധികളും യുഎഇ പ്രതിനിധികളും ചേർന്ന് വിർച്വൽ യോഗത്തിലാണ് ഇങ്ങനെയൊരു തീരുമാനമെടുത്തത്. യോഗത്തിൽ ഇന്ത്യൻ വിദേശകാര്യ മന്ത്രി ഡോക്ടർ എസ് ജയശങ്കറും യുഎഇ വിദേശകാര്യ- രാജ്യാന്തര സഹകരണ മന്ത്രി ഷെയ്ഖ് അബ്ദുള്ള ബിൻ സായിദ് അൽ നഹ്യാൻ എന്നിവർ പങ്കെടുത്തു.
Discussion about this post