കശ്മീർ : ജമ്മുകശ്മീരിലെ ബുധ്ഗാമിൽ വെച്ച് 4 ലഷ്കർ – ഇ – ത്വയ്ബ ഭീകരവാദികളെ സുരക്ഷാ ഉദ്യോഗസ്ഥർ പിടികൂടി.ഷക്കീൽ അഹമ്മദ് വാനി, ഷൗക്കത്ത് അഹമ്മദ്, അഖിബ് മഖ്ബൂൽ ഖാൻ, അജാസ് അഹമ്മദ് എന്നിവരെയാണ് സുരക്ഷ ഉദ്യോഗസ്ഥർ പിടികൂടിയത്.53 രാഷ്ട്രീയ റൈഫിൾസും ബുധ്ഗാം പോലീസും സംയുക്തമായി നടത്തിയ നീക്കത്തിലാണ് ബുധ്ഗാമിലെ ബേർവയിലുള്ള പെത്കൂട്ട് ഭാഗത്തു നിന്നും ഇവരെ പിടികൂടാനായത്.
ഭീകരവാദികളുടെ കയ്യിൽ നിന്നും ആയുധങ്ങളും സ്ഫോടക വസ്തുക്കളും പിടിച്ചെടുത്തിട്ടുണ്ട്.24 എകെ-47, 5 ഡെറ്റൊണേറ്റേഴ്സ് എന്നിവയാണ് ഇവരുടെ കയ്യിൽ നിന്നും പിടിച്ചെടുത്തത്.അതേ സമയം, കഴിഞ്ഞ ദിവസം ലൈൻ ഓഫ് കൺട്രോളിനു സമീപത്തുണ്ടായിരുന്ന നിരവധി ഒളിത്താവളങ്ങൾ സൈന്യം തകർക്കുകയും അവിടെ നിന്നും വലിയ ആയുധ ശേഖരം കണ്ടെടുക്കുകയും ചെയ്തു.ജമ്മുകശ്മീരിലെ രാംപൂർ, ബാരാമുള്ള പ്രദേശങ്ങളിൽ നിന്നാണ് ആയുധങ്ങൾ കണ്ടെടുത്തത്.
