ഭാരം വെറും 32 ഗ്രാം. കളത്തിലിറങ്ങിയാല്‍ പിന്നെ ഭീകരനാണിവന്‍..അമേരിക്ക ജര്‍മ്മനി, ഇംഗ്ലണ്ട്, ഫ്രാന്‍സ് തുടങ്ങിയ രാജ്യങ്ങളിലെ സൈന്യത്തിന്റെ കരുതലാണ് ഈ ഇത്തിരികുഞ്ഞന്‍. ഇപ്പോള്‍ നമ്മുടെ ദേശീയ സുരക്ഷ സേനയിലേയും താരമാണ് ബ്ലാക് ഹോര്‍നറ്റ് എന്ന കുഞ്ഞന്‍ ഡ്രോണ്‍. പ്രത്യേക സുരക്ഷ വിഭാഗമായ നാഷണല്‍ സെക്യൂരിറ്റി ഗാര്‍ഡും ബ്ലാക്ക് ഹോര്‍നറ്റ് സമര്‍ത്ഥമായി ഉപയോഗിക്കുന്നുണ്ട്.
സൈന്യത്തിന്റെ ആയുധങ്ങളില്‍ വളരെയധികം പരിഷ്‌കരിക്കപ്പെട്ടുകൊണ്ടിരിക്കുന്ന ഒന്നാണ് ഡ്രോണുകള്‍. വളരെ വലുതാക്കാനും ഒപ്പം ഇത്തിരിക്കുഞ്ഞനാക്കാനുമുള്ള പരീക്ഷണങ്ങള്‍ നിരന്തരം നടക്കുന്നുണ്ട്. വലിയ ഡ്രോണുകള്‍ ബോംബര്‍ വിമാനങ്ങളായിപ്പോലും ഉപയോഗിക്കാന്‍ വേണ്ടിയാണ് പരീക്ഷണങ്ങള്‍ നടക്കുന്നത്. എന്നാല്‍ ചെറിയ ഡ്രോണുകളാകട്ടെ മനുഷ്യന്റെ പോലും കണ്ണില്‍ പെടാതെ വിവരങ്ങള്‍ ശേഖരിക്കാനാണ് ഉപയോഗിക്കുന്നത്.
https://www.facebook.com/braveindianews/videos/323039652099362/
എറ്റവും ചെറിയ ഡ്രോണുകളില്‍ അത്യാധുനികമായ ഒന്നാണ് നോര്‍വീജിയന്‍ കമ്പനിയുടെ ബ്ലാക്ക് ഹോര്‍നറ്റ് നാനോ. വെറും 32 ഗ്രാം മാത്രം ഭാരമുള്ള ഈ കുഞ്ഞന്‍ ഡ്രോണ്‍ പക്ഷേ പ്രവൃത്തിയില്‍ അതി ഭീകരനാണ്. മണിക്കൂറില്‍ 35 കിലോമീറ്റര്‍ വരെ ഇതിന് വേഗതയുണ്ട്. രണ്ടു കിലോമീറ്ററോളം റേഡിയോ പരിധിയുള്ള ഇതില്‍ ഘടിപ്പിച്ചിരിക്കുന്നത് അത്യാധുനികമായ മൂന്ന് ക്യാമറകളാണ്.വെറും പതിനാറു സെന്റിമീറ്റര്‍ മാത്രമാണ് ഇവന്റെ നീളം.
അമേരിക്ക , ഫ്രാന്‍സ് , ഇംഗ്ലണ്ട് , ജര്‍മ്മനി തുടങ്ങിയ രാജ്യങ്ങളിലെ സൈന്യങ്ങള്‍ ബ്ലാക്ക് ഹോര്‍നറ്റ് നാനോ ഉപയോഗിക്കുന്നുണ്ട്. തൊട്ടടുത്തുള്ള അപകടങ്ങള്‍ നിരീക്ഷിക്കാന്‍ ഭീകര വിരുദ്ധ ഓപ്പറേഷനുകളില്‍ ഒളിച്ചിരിക്കുന്ന ഭീകരരെ കണ്ടെത്താനും ഈ ഇത്തിരിക്കുഞ്ഞന്‍ വളരെ സഹായിക്കുന്നു.
ഇന്ത്യന്‍ സുരക്ഷാ സേനയിലെ ഇവന്റെ സാന്നിധ്യം ഭീകരസംഘടഡനകള്‍ക്കും, ശത്രു സേനയ്ക്കും ഉണ്ടാക്കുന്ന അലോസരം ചെറുതല്ല..
