കാർഷിക ബിൽ പാസാക്കിയതിലൂടെ രാജ്യത്തെ കർഷകർക്ക് പ്രധാനമന്ത്രി നരേന്ദ്രമോദിയുടെ നേതൃത്വത്തിലുള്ള സർക്കാർ വാഗ്ദാനം ചെയ്യുക മികച്ചൊരു ഭാവിയായിരിക്കുമെന്ന് ബിജെപി ദേശീയ അധ്യക്ഷൻ ജെ.പി നദ്ദ. രാജ്യത്തെ കർഷകരെയും കാർഷിക രംഗത്തെയും കൂടുതൽ മെച്ചപ്പെടുത്തുന്നതിനായുള്ള കാർഷിക ബിൽ രാജ്യസഭയിൽ പാസാക്കിയതിന് പ്രധാനമന്ത്രി നരേന്ദ്രമോദിയ്ക്ക് നദ്ദ അഭിനന്ദനങ്ങളറിയിച്ചു. ട്വിറ്ററിലൂടെയാണ് അദ്ദേഹം തന്റെ ആശംസകളറിയിച്ചത്. മാത്രമല്ല, ബില്ലിനെ പിന്തുണച്ച എംപിമാർക്ക് ബിജെപി ദേശിയ അധ്യക്ഷൻ പ്രത്യേകം നന്ദിയറിയിക്കുകയും ചെയ്തു.
അല്പ സമയം മുമ്പാണ് കാർഷികവിള വിപണന വാണിജ്യ ബിൽ (പ്രോത്സാഹനവും നടപ്പാക്കലും)2020, വില ഉറപ്പാക്കുന്നതിനും കാർഷിക സേവനങ്ങൾക്കുമുള്ള കാർഷിക (ശാക്തീകരണ, സംരക്ഷണ) കരാർ 2020 എന്നീ രണ്ട് ബില്ലുകൾ രാജ്യസഭ പാസാക്കിയത്.പ്രതിപക്ഷ പാർട്ടികളുടെ കുപ്രചരണങ്ങളെ വകവെയ്ക്കാതെ ശബ്ദ വോട്ടിലൂടെയാണ് ബില്ലുകൾ പാസാക്കിയത്. ബിൽ നിയമമായി മാറുന്നതോടെ ഇടനിലക്കാരില്ലാതെ കർഷകർക്ക് അവരവർ കൃഷി ചെയ്യുന്ന വസ്തുക്കളുടെ വിൽപ്പന നടത്താൻ സാധിക്കും.
Discussion about this post