ഹവാല പണമൊഴുക്കി ഇന്ത്യയിൽ പള്ളികൾ നിർമ്മിച്ചു: ഹഫീസ് സയീദിനും കൂട്ടാളികൾക്കുമെതിരെ കുറ്റപത്രം

ഡൽഹി: ലഷ്‌കർ-ഇ-ത്വയ്‌ബ, ജമാഅത്ത് ഉദ്-ദാവ, ഫലാഹ്-ഇ-ഹ്യുമാനിറ്റി എന്നീ ഭീകരസംഘടനകളുടെ സ്ഥാപകനായ ഹഫീസ് സയീദിനെതിരെ കുറ്റപത്രം ഫയൽ ചെയ്തു. എൻഫോഴ്‌സ്‌മെന്റ് ഡയറക്ടറേറ്റിന്റേതാണ് നടപടി. സയീദിനൊപ്പം ഷാഹിദ് മെഹ്മൂദ്, മുഹമ്മദ് സൽമാൻ, ദുബായ് ആസ്ഥാനമായി പ്രവർത്തിക്കുന്ന പാകിസ്ഥാൻ സ്വദേശി മുഹമ്മദ് കമ്രാൻ, ഡൽഹിയിലെ ഹവാല ഓപ്പറേറ്ററായ മുഹമ്മദ് സലിം എന്നിവർക്കെതിരെയും കുറ്റപത്രം സമർപ്പിച്ചിട്ടുണ്ട്.

കള്ളപ്പണം വെളുപ്പിക്കൽ തടയൽ നിയമപ്രകാരം അദ്ദേഹത്തിനെതിരെ കുറ്റപത്രം സമർപ്പിച്ചതായി ദുബായിൽ നിന്ന് ഇന്ത്യയിലെത്തിയ ഇഡി ഉദ്യോഗസ്ഥൻ വ്യക്തമാക്കുന്നു. ഇന്ത്യൻ ശിക്ഷാ നിയമത്തിലെ വിവിധ വകുപ്പുകളും, നിയമവിരുദ്ധ പ്രവർത്തന നിരോധിത നിയമപ്രകാരവുമാണ് കുറ്റപത്രം സമർപ്പിച്ചത്.

സൽമാൻ, സലിം, കമ്രാൻ എന്നിവർ പാകിസ്ഥാനിൽ നിന്ന് ദുബായ് ചാനലുകൾ വഴി ദുബായിലേക്കും പിന്നീട് ഇന്ത്യയിലേക്കും ഫണ്ട് അയച്ചതായി അന്വേഷണത്തിൽ കണ്ടെത്തിയതായി ഉദ്യോഗസ്ഥർ പറഞ്ഞു. എൻ‌ഐ‌എ നടത്തിയ തിരച്ചിലിനിടെ സൽമാൻ, സലിം, ധരംപുരിയ എന്നിവരുടെ വീട്ടിൽ നിന്ന് രഹസ്യ രേഖകൾ പിടിച്ചെടുത്തു. സൽമാന്റെ നിർദ്ദേശപ്രകാരം മുഹമ്മദ് ഉസൈർ നടത്തിയ ഹവാല ഇടപാടിന്റെ ഇമെയിൽ സന്ദേശവും അന്വേഷണ സംഘത്തിന് ലഭിച്ചിട്ടുണ്ട്. ദുബായിൽ നിന്ന് വരുന്ന പണം പ്രതികൾ രജിസ്റ്റർ ചെയ്ത ഇമെയിൽ, രജിസ്റ്റർ എന്നിവയുടെ അടിസ്ഥാനത്തിലാണ് നിർണ്ണയിച്ചതെന്ന് ഉദ്യോഗസ്ഥർ പറഞ്ഞു.

വിദേശത്ത് നിന്ന് ലഭിച്ച പണം ഹരിയാനയിലെ പൽവാലിൽ ഉത്വാലിൽ ഒരു പള്ളി പണിയുന്നതിനും ഉട്ടവാർ ഗ്രാമത്തിന് ചുറ്റുമുള്ള പാവപ്പെട്ട പെൺകുട്ടികളുടെ വിവാഹത്തിനും സൽമാൻ ഉപയോഗിച്ചുവെന്ന് ഉദ്യോഗസ്ഥൻ പറഞ്ഞു. ഹവാല പണമിടപാടിലെ 4.69 കോടി രൂപയുടെ ആസ്തി ഇഡി കണ്ടെത്തിയതായി ഉദ്യോഗസ്ഥർ പറഞ്ഞു. ഡൽഹി ആസ്ഥാനമായുള്ള സൽമാന്റെ 73.12 ലക്ഷം വിലവരുന്ന മൂന്ന് സ്ഥാവര വസ്‌തുക്കളും ഇഡി കണ്ടുകെട്ടി.

സൽമാൻ, സലിം എന്നിവരുടെ തീവ്രവാദ ബന്ധം ഐക്യരാഷ്ട്ര സഭയിൽ ഉൾപ്പെടെ ചർച്ച ചെയ്യപ്പെട്ടതാണ്. നിലവിൽ ഇരുവരും ജുഡീഷ്യൽ കസ്റ്റഡിയിലാണ്. അനധികൃതമായി പ്രവർത്തിക്കുന്ന ഹവാല ചാനൽ വഴി എഫ്ഐഎഫ് ഓപ്പറേറ്റർമാരിൽ നിന്നും കൂട്ടാളികളിൽ നിന്നും ഫണ്ട് സ്വീകരിക്കുന്നത് സൽമാനാണെന്ന് കണ്ടെത്തിയതായി എൻഐഎ അറിയിച്ചു. ജമാഅത്ത് ഉദ് ദാവ സ്ഥാപിച്ച പാകിസ്ഥാൻ ആസ്ഥാനമായുള്ള തീവ്രവാദ സംഘടനയാണ് എഫ്ഐഎഫ്. ലഷ്‌കറും ജെയുഡി മേധാവി ഹാഫിസ് സയീദും ചേർന്നാണ് ഇത് സ്ഥാപിച്ചത്. 2012 മാർച്ച് 14 ന് ഐക്യരാഷ്ട്രസഭ ഫലാ-ഇ-ഇൻസാനിയത്ത് ഫൌണ്ടേഷനെ തീവ്രവാദ സംഘടനയായി പ്രഖ്യാപിച്ചിരുന്നു. സയീദിനെ ആഗോള തീവ്രവാദിയായും ഐക്യരാഷ്ട്രസഭ മുദ്രകുത്തിയതാണ്.