കാൻബറ: ട്വന്റി20 പരമ്പരയിലെ ആദ്യ മത്സരത്തിൽ ടോസ് നേടിയ ഓസ്ട്രേലിയ ബൗളിംഗ് തിരഞ്ഞെടുത്തു. ഇന്ത്യൻ ടീമിൽ ജസ്പ്രീത് ബൂമ്രയും യുസ്വേന്ദ്ര ചാഹലുമില്ല. മലയാളി താരം സഞ്ജു വി സാംസണും പേസർ നടരാജനും ഇന്ന് കളിക്കുന്നുണ്ട്.
കാൻബറയിൽ നടന്ന മൂന്നാം ഏകദിനത്തിലെ മികച്ച വിജയത്തിന്റെ ആവേശത്തിലാണ് ഇന്ത്യ. ഐപിഎൽ കഴിഞ്ഞതിന്റെ ആവേശത്തിലാണ് ടീമംഗങ്ങൾ. ഏകദിനത്തിനേക്കാൾ ട്വന്റി 20യിൽ മികച്ച ടീമാണ് ഇന്ത്യയുടേത്. എന്നാൽ ഏകദിന പരമ്പര സ്വന്തമാക്കിയതിന്റെയും സ്വന്തം നാട്ടിൽ കളിക്കുന്നതിന്റെയും മുൻതൂക്കം ഓസീസിനുണ്ട്.
മത്സരം അഞ്ചോവർ പിന്നിട്ടപ്പോൾ ഇന്ത്യക്ക് ആദ്യ വിക്കറ്റ് നഷ്ടമായി. 16 റൺസെടുത്ത ധവാനെ സ്റ്റാർക്ക് പുറത്താക്കി. രാഹുൽ 21 റൺസുമായും നായകൻ കോഹ്ലി 7 റൺസുമായും ബാറ്റിംഗ് തുടരുന്നു. ഇന്ത്യ 31 റൺസ് നേടിയിട്ടുണ്ട്.
Discussion about this post