സിഡ്നി: ഇന്ത്യക്കെതിരായ രണ്ടാം ട്വെന്റി20 മത്സരത്തിൽ ഓസ്ട്രേലിയക്ക് കൂറ്റൻ സ്കോർ. ടോസ് നഷ്ടമായി ബാറ്റിംഗിനിറങ്ങിയ ഓസീസ് ഇരുപത് ഓവറിൽ 5 വിക്കറ്റ് നഷ്ടത്തിൽ 194 റൺസ് നേടി.
ഓസ്ട്രേലിയക്ക് വേണ്ടി ഓപ്പണിംഗ് ബാറ്റ്സ്മാൻ മാത്യു വേഡ് അർദ്ധസെഞ്ചുറി നേടി. 58 റൺസെടുത്ത വേഡും 46 റൺസെടുത്ത സ്മിത്തുമാണ് ആതിഥേയരുടെ സ്കോർ ഉയർത്തിയത്. ഹെൻട്രിക്കസ് 26ഉം മാക്സ്വെൽ 22ഉം റൺസ് നേടി.
കഴിഞ്ഞ മത്സരത്തിൽ മികച്ച പ്രകടനം കാഴ്ചവെച്ച ബൗളർമാർ ഇന്ന ശരിക്കും തല്ല് വാങ്ങി. ഇന്നും ബൂമ്രയെ കളിപ്പിക്കാത്തത് തിരിച്ചടിയായി. ടി നടരാജൻ രണ്ട് വിക്കറ്റ് വീഴ്ത്തിയപ്പോൾ ശാർദൂൽ ഠാക്കൂറിനും ചാഹലിനും ഓരോ വിക്കറ്റ് കിട്ടി.
പരിക്കേറ്റ ജഡേജക്ക് പകരം ശാർദുൽ ഠാക്കൂറും മനീഷ് പാണ്ഡെക്ക് പകരം മലയാളി താരം ശ്രേയസ് അയ്യരും ഇന്ന് കളിക്കുന്നുണ്ട്. ആദ്യ മത്സരം ജയിച്ച ഇന്ത്യ പരമ്പരയിൽ 1-0ന് മുന്നിലാണ്. ഇന്ന് ജയിച്ചാൽ ഇന്ത്യക്ക് പരമ്പര സ്വന്തമാക്കാം.
Discussion about this post