തിരുവനന്തപുരത്ത് അജ്ഞാത വാഹനമിടിച്ച് കൊല്ലപ്പെട്ട മാധ്യമപ്രവർത്തകൻ എസ്വി പ്രദീപിനെ അപമാനിച്ച് പോരാളി ഷാജി എന്ന ഫേസ്ബുക്ക് പേജ്. ഒരു മാധ്യമ പ്രവർത്തകന് ചേർന്ന രീതിയിലായിരുന്നോ എസ്.വി പ്രദീപിന്റെ പ്രവർത്തികളെന്നാണ് ‘പോരാളി ഷാജി’ കമന്റായി കുറിച്ചത്.
മാത്രമല്ല, ആദരാഞ്ജലികൾ അർപ്പിച്ചുകൊണ്ട് പോസ്റ്റ് ചെയ്തിരിക്കുന്ന ഫോട്ടോയിലും വളരെ മോശമായ രീതിയിൽ മാധ്യമപ്രവർത്തകനെ സംബന്ധിച്ച് എഴുതി ചേർത്തിട്ടുണ്ട്. “ഇയാൾ മറ്റു മാധ്യമപ്രവർത്തകർക്ക് പോലും അപമാനമായിരുന്നു. എങ്കിലും ഇദ്ദേഹത്തിന്റെ കുടുംബാംഗങ്ങളുടെ ദുഃഖത്തിൽ പങ്കുചേരുന്നു”-എന്നായിരുന്നു പോരാളി ഷാജിയുടെ ഒരു കമെന്റ്. ” കേട്ടാലറയ്ക്കുന്ന ഭാഷയുപയോഗിച്ച് മാധ്യമലോകത്തെ മലീമസമാക്കിയതിലും സഖാക്കളെ നിരന്തരം അസഭ്യവർഷം നടത്തിയതിലും താങ്കൾക്ക് മാപ്പ് തന്നിരിക്കുന്നു” എന്നും ആദരാഞ്ജലികൾ അർപ്പിച്ചുകൊണ്ട് പോസ്റ്റ് ചെയ്ത ഫോട്ടോയിൽ കുറിച്ചിരുന്നു. ഇതിനെതിരെ സാമൂഹ്യ മാധ്യമങ്ങളിൽ വൻ പ്രതിഷേധമാണ് നടക്കുന്നത്.
പ്രദീപിന്റെ മരണത്തിൽ സമഗ്ര അന്വേഷണം ആവശ്യപ്പെട്ട് ബിജെപി സംസ്ഥാന അധ്യക്ഷൻ കെ.സുരേന്ദ്രൻ, കേന്ദ്രമന്ത്രി വി.മുരളീധരൻ, ശോഭാ സുരേന്ദ്രൻ തുടങ്ങി നിരവധി പേർ രംഗത്തു വന്നിരുന്നു.
Discussion about this post