കണ്ണൂർ : കണ്ണൂരിൽ മലദ്വാരത്തിൽ ഒളിപ്പിച്ച് കൊണ്ടു വന്ന സ്വർണം പിടികൂടി. കണ്ണൂർ വിമാനത്താവളത്തിൽ ഷാർജയിൽ നിന്നെത്തിയ യാത്രക്കാരനിൽ നിന്നാണ് സ്വർണം പിടികൂടിയത്. ഏകദേശം ഒരു കിലോയോളം സ്വർണമാണ് മലദ്വാരത്തിൽ ഒളിപ്പിച്ച് കൊണ്ടു വന്നത്.
ഷാർജയിൽ നിന്നെത്തിയ കൂത്തുപറമ്പ് സ്വദേശി നഫ്സീറിൽ നിന്നാണ് സ്വർണം പിടികൂടിയത്. കഴിഞ്ഞ ദിവസവും കണ്ണൂർ വിമാനത്താവളത്തിൽ നിന്നും സ്വർണം പിടികൂടിയിരുന്നു. തിങ്കളാഴ്ച്ച പുലർച്ചെ എത്തിയ കാസർകോഡ് സ്വദേശി സിദ്ദിഖിൽ നിന്നാണ് മലദ്വാരത്തിൽ ഒളിപ്പിച്ച നിലയിൽ സ്വർണം പിടികൂടിയത്. ഒരു കിലോയോളം സ്വർണമാണ് പിടിച്ചെടുത്തത്.
സിസിടിവി ക്യാമറയിൽ നിരീക്ഷണം നടത്തവെ വിമാനത്താവളത്തിൽ വന്നിറങ്ങിയ യാത്രക്കാരിൽ ഒരാളായ യുവാവിൻറെ പെരുമാറ്റത്തിൽ സംശയം തോന്നിയതിനെ തുടർന്നാണ് കസ്റ്റംസ് ദേഹപരിശോധനയ്ക്കു വിധേയമാക്കിയത്.സ്വര്‍ണ മിശ്രിതം നാല് കാപ്സ്യൂളുകളാക്കിയാണ് കടത്താന്‍ ശ്രമിച്ചത്. ഒരു കിലോ 69 ഗ്രാം തൂക്കമുണ്ടായിരുന്ന സ്വര്‍ണ മിശ്രിതത്തില്‍ നിന്നും 973 ഗ്രാം സ്വര്‍ണമാണ് വേര്‍തിരിച്ചപ്പോള്‍ ലഭിച്ചത്.
Discussion about this post