ഡൽഹി: 2021ലെ കേന്ദ്ര ബജറ്റ് ഫെബ്രുവരി ഒന്നിന് അവതരിപ്പിക്കും. പരമ്പരാഗത ചിട്ടവട്ടങ്ങളിൽ നിന്നും മാറി അവതരിപ്പിക്കപ്പെടുന്നു എന്ന സവിശേഷത ഇത്തവണത്തെ കേന്ദ്ര ബജറ്റിന് ഉണ്ട്. കടലാസിൽ അച്ചടിച്ച കോപ്പിയില്ലാതെ സ്വതന്ത്ര ഇന്ത്യയിൽ അവതരിപ്പിക്കപ്പെടുന്ന ആദ്യ ബജറ്റാകും ധനമന്ത്രി നിർമ്മല സീതാരാമൻ അവതരിപ്പിക്കുന്നത്.
ഫെബ്രുവരി ഒന്നിന് രാവിലെ 11.00 മണിക്ക് ബജറ്റ് അവതരണം ആരംഭിക്കും. കൊവിഡ് രോഗവ്യാപനത്തിന്റെ പശ്ചാത്തലത്തിൽ സാമ്പത്തിക മേഖല നേരിടുന്ന വെല്ലുവിളി പരിഹരിക്കാനുള്ള പ്രഖ്യാപനങ്ങൾ ബജറ്റിൽ ഉണ്ടാകുമെന്നാണ് സൂചന. കൊവിഡ് പ്രതിസന്ധി നിലനിൽക്കുന്ന പശ്ചാത്തലത്തിലാണ് ഇത്തവണ ബജറ്റിന്റെ അച്ചടിച്ച കോപ്പികൾ പാർലമെന്റ് അംഗങ്ങൾക്ക് വിതരണം ചെയ്യാത്തത്.
അച്ചടിച്ച കോപ്പി ലഭ്യമാക്കാത്ത സാഹചര്യത്തിൽ 750 അംഗങ്ങൾക്കും ബജറ്റിന്റെയും സാമ്പത്തിക സർവ്വേയുടേയും സോഫ്റ്റ് കോപ്പികൾ ലഭ്യമാക്കും. ഇതിനുള്ള നടപടികൾ കേന്ദ്ര സർക്കാർ ആരംഭിച്ചു കഴിഞ്ഞു.
Discussion about this post