ബെംഗളൂരു∙ ശ്വാസതടസ്സത്തെത്തുടർന്ന് എഐഎഡിഎംകെ മുൻ നേതാവ് വി.കെ. ശശികലയെ ആശുപത്രിയിൽ പ്രവേശിപ്പിച്ചു. അനധികൃത സ്വത്തു സമ്പാദനക്കേസിൽ ബെംഗളൂരുവിലെ പരപ്പന അഗ്രഹാര ജയിലിൽ കഴിയുന്ന ശശികല അടുത്തയാഴ്ച ശിക്ഷ കഴിഞ്ഞ് പുറത്തിറങ്ങാനിരിക്കുകയായിരുന്നു. ജയിലിനുള്ളിലെ ആശുപത്രിയിലാണ് ശശികലയെ പ്രവേശിപ്പിച്ചിരിക്കുന്നത്.
അതേസമയം അടുത്ത ആഴ്ച ജയില്‍മോചിതയാകുന്ന ശശികലയ്ക്ക് വന്‍ വരവേല്‍പ്പ് നല്‍കാനൊരുങ്ങി അമ്മ മക്കള്‍ മുന്നേറ്റ കഴകം പ്രവര്‍ത്തകര്‍. ബെംഗളൂരു ജയില്‍ മുതല്‍ വാഹന റാലിയും ചെന്നൈയില്‍ പ്രവര്‍ത്തകരെ അണിനിരത്തി ശക്തിപ്രകടനവുമാണ് നിശ്ചയിച്ചിരിക്കുന്നത്.
ജനുവരി 27 ന് മോചിപ്പിക്കുമെന്ന് ജയില്‍ അധികൃതരുടെ അറിയിപ്പ് ലഭിച്ചുവെന്ന് ശശികലയുടെ അഭിഭാഷകന്‍ അറിയിച്ചു. ശശികലയ്ക്കായി കാത്തിരിക്കുകയാണ്, ശശികല അമ്മ ഉടന്‍ ഇവിടേക്ക് വരും എന്ന് മന്നാര്‍ഗുഡി കുടുംബവും പ്രതികരിക്കുന്നു.
Discussion about this post