ഡൽഹി: ചൈനക്ക് ശക്തമായ മുന്നറിയിപ്പുമായി വ്യോമസേനാ മേധാവി എയർ ചീഫ് മാർഷൽ ആർ കെ എസ് ബദൗരിയ. യഥാർത്ഥ നിയന്ത്രണ രേഖക്ക് സമീപം ചൈന ആക്രമണത്തിന് മുതിർന്നാൽ പ്രതിരോധിക്കാനും പ്രത്യാക്രമണം നടത്താനും മാത്രമല്ല, കടന്നാക്രമിക്കാനും ഇന്ത്യക്ക് അറിയാമെന്ന് അദ്ദേഹം പറഞ്ഞു.
ഇന്ത്യയുമായി സംഘർഷത്തിൽ ഏർപ്പെടുന്നത് ആഗോള തലത്തിൽ ചൈനക്ക് ഒട്ടും ഗുണകരമായിരിക്കില്ലെന്നും വ്യോമസേനാ മേധാവി പറഞ്ഞു. ചൈനക്ക് ഒരിക്കലും പ്രതീക്ഷിക്കാത്ത വിധത്തിലുള്ള തിരിച്ചടി അന്താരാഷ്ട്ര തലത്തിൽ സംഭവിക്കുമെന്നും അദ്ദേഹം വ്യക്തമാക്കി.
കഴിഞ്ഞ ആറ് മാസമായി കിഴക്കൻ ലഡാക്കിലെ അതിർത്തി മേഖലകളിൽ ഇന്ത്യയും ചൈനയും തമ്മിൽ പ്രശ്നങ്ങൾ നിലനിൽക്കുകയാണ്. കിഴക്കൻ ലഡാക്കിലെ ഗാൽവൻ താഴ്വരയിൽ കഴിഞ്ഞ ജൂൺ മാസത്തിൽ ഇരു സേനാവിഭാഗങ്ങളും നേർക്കുനേർ ഏറ്റുമുട്ടിയിരുന്നു.അതിൽ ഇരുപക്ഷത്തും നാശനഷ്ടങ്ങൾ സംഭവിച്ചിരുന്നു. തുടർന്ന് ഇരു രാജ്യങ്ങളും തമ്മിലുള്ള നയതന്ത്ര ചർച്ചകൾ പുരോഗമിക്കുകയാണ്.
Discussion about this post