മുംബൈ: ഗ്രേറ്റ തുൻബെർഗിന്റെ ഇന്ത്യാ വിരുദ്ധ ടൂൾ കിറ്റ് പ്രചരിപ്പിച്ച കേസില്‍ ഡല്‍ഹി പോലീസ് അറസ്റ്റ് വാറണ്ട് പുറപ്പെടുവിച്ച പരിസ്ഥിതി പ്രവര്‍ത്തക നിഖിത ജേക്കബ് ബോംബെ ഹൈക്കോടതിയെ സമീപിച്ചു. നാല് ആഴ്ചയെങ്കിലും അറസ്റ്റ് തടയണമെന്ന് ആവശ്യപ്പെട്ടാണ് നിഖിത കോടതിയില്‍ ഹര്‍ജി നല്‍കിയത്.
തന്‍റെ മൊബൈല്‍ ഫോണും ലാപ്‌ടോപ്പും ഉള്‍പ്പടെ എല്ലാ ഉപകരണങ്ങളും പോലീസ് പിടിച്ചെടുത്തുവെന്നും ഹര്‍ജിയില്‍ നിഖിത ആരോപിക്കുന്നു. തനിക്കെതിരെ ഡല്‍ഹി പോലീസ് രജിസ്റ്റര്‍ ചെയതുവെന്ന് പറയപ്പെടുന്ന എഫ്‌ഐആറിന്‍റെ കോപ്പി നല്‍കണമെന്നും നിഖിത ആവശ്യപ്പെട്ടു. ഹര്‍ജി ചൊവ്വാഴ്ച കോടതി പരിഗണിക്കും.
Discussion about this post