തിരുവനന്തപുരം: ബിജെപി സംസ്ഥാന അധ്യക്ഷന് കെ സുരേന്ദ്രന് നയിക്കുന്ന വിജയയാത്ര കേരളത്തിൽ നടക്കുകയാണ്. ഓരോ ജില്ലയില് എത്തുമ്പോഴും അവിടുത്തെ പ്രമുഖരെ പരിപാടിയില് പങ്കെടുപ്പിക്കാന് നേതാക്കളും അണികളും ശ്രദ്ധിക്കുന്നുണ്ട്. യാത്ര തിരുവനന്തപുരത്ത് സമാപിക്കുന്ന സമയത്ത് പല പ്രമുഖരും ബിജെപിയില് ഉണ്ടാകും എന്നാണ് കെ സുരേന്ദ്രന് നേരത്തെ പ്രഖ്യാപിച്ചിരുന്നത്. മെട്രോമാന് ഇ ശ്രീധരനെയും മുന് ഡിജിപി ജേക്കബ് തോമസിനെയും പാര്ട്ടിയില് എത്തിച്ചു കഴിഞ്ഞു.
ഇത് കൂടാതെ ജാഥ എറണാകുളം ജില്ലയില് എത്തുമ്പോഴേക്കും ഉദ്യോഗസ്ഥ തലത്തിലെ രണ്ടു പ്രമുഖരും ഹൈക്കോടതിയില് നിന്നും വിരമിച്ച രണ്ട് ന്യായാധിപരും ബിജെപിയില് അംഗത്വം എടുക്കുമെന്നാണ് റിപ്പോര്ട്ട്. എറണാകുളം ജില്ലയിൽ എത്തുമ്പോൾ ബിജെപിയില് അംഗത്വമെടുക്കുക രണ്ട് മുന് ഡിജിപിമാരായിരിക്കും. കേരളത്തിന്റെ ചുമതലയുണ്ടായിരുന്ന മുന് ഐബി തലവന് ഹരിസേന വര്മ്മ, മുന് ഡിജിപി ആര് പത്മനാഭന് എന്നിവരാണ് ബിജെപിക്കൊപ്പം ചേരുക.
ഇത് കൂടാതെ ഹൈക്കോടതിയില് നിന്നും വിരമിച്ച രണ്ട് പ്രമുഖ ജഡ്ജിമാരും ബിജെപിയിൽ ചേരുമെന്ന് റിപോർട്ടുണ്ട്. കേന്ദ്രത്തില് നിന്നുള്ള ഇടപെടല് അടക്കം പ്രമുഖര് പാര്ട്ടിയില് എത്താന് ഇടയാക്കുന്നുണ്ട്. നേമത്ത് മാത്രം ഒതുങ്ങുന്നതല്ല ബിജെപിയുടെ പ്രതീക്ഷകള്.
അതുകൊണ്ട് തന്നെ സ്ഥാനാര്ത്ഥി നിര്ണയം അടക്കമുള്ള കാര്യങ്ങള് തീരുമാനിക്കുക അമിത്ഷായാകുമെന്നും റിപോർട്ടുണ്ട്. കഴിഞ്ഞ തവണ 10000 ത്തില് താഴെ വോട്ടുകളുടെ വ്യത്യാസത്തില് രണ്ടാം സ്ഥാനത്ത് എത്തിയ നാലിടത്തു ഇക്കുറി ഒന്നാമത് എത്തണമെന്നാണ് ബിജെപിയുടെ ലക്ഷ്യം .
Discussion about this post