മുംബൈ: പ്രമുഖ ടിക് ടോക് താരം പൂജ ചവാന്‍റെ ആത്മഹത്യയുമായി ബന്ധപ്പെട്ട് ആരോപണ വിധേയനായ മന്ത്രി രാജി വെച്ചു. മഹാരാഷ്ട്ര വനം വകുപ്പ് മന്ത്രി സഞ്ജയ് റാത്തോഡ് ആണ് രാജി വെച്ചത്. തിങ്കളാഴ്ച സംസ്ഥാന നിയമസഭ ബജറ്റ് സമ്മേളനം ആരംഭിക്കാരിനിരിക്കെയുള്ള മന്ത്രിയുടെ രാജി ഭരണ പക്ഷത്തിന് വലിയ തിരിച്ചടിയാകും.
മുഖ്യമന്ത്രി ഉദ്ധവ് താക്കറെയെ നേരിട്ട് കണ്ടാണ് റാത്തോഡ് രാജി വെച്ചത്. സഞ്ജയ് റാത്തോഡും പൂജയുടെ ബന്ധുവും തമ്മില്‍ നടത്തിയ ഫോൺ സംഭാഷണങ്ങളുടെ ഓഡിയോ ക്ലിപ്പുകൾ ചോർന്നതോടെ മന്ത്രിയുടെ രാജി ആവശ്യപ്പെട്ട് പ്രതിപക്ഷ നേതാവ് ദേവേന്ദ്ര ഫഡ്നാവിസ് രംഗത്തെത്തുകയായിരുന്നു. പ്രക്ഷോഭം ബിജെപി ശക്തമാക്കിയതിനെ തുടർന്നായിരുന്നു രാജി.
പൂജ ഗർഭിണിയായിരുന്നതായി രേഖകൾ പുറത്ത് വന്നിരുന്നു. കഴിഞ്ഞ മാസം ഏഴാം തീയതി സഹോദരന്‍ താമസിക്കുന്ന കെട്ടിടത്തില്‍ നിന്നും വീണ് പൂജ മരിക്കുകയായിരുന്നു.
Discussion about this post