ആലപ്പുഴ: സി പി ഐ നേതാവ് കുട്ടനാട്ടില്‍ എന്‍ ഡി എ സ്ഥാനാര്‍ത്ഥി. സി പി ഐ ജില്ലാ കൗണ്‍സില്‍ അംഗവും മുന്‍ ആലപ്പുഴ ജില്ലാ പഞ്ചായത്ത് വൈസ് പ്രസിഡന്റുമായ തമ്പ് മേട്ടുതറയാണ് പാര്‍ട്ടിയില്‍ നിന്നും രാജിവച്ച്‌ ബി ഡി ജെ എസ് ക്യാമ്പിലെത്തിയത്.
പാര്‍ട്ടിയിലെ ചില നേതാക്കള്‍ കഴിഞ്ഞ കുറെ നാളുകളായി വേട്ടയാടുന്നതില്‍ പ്രതിഷേധിച്ചാണ് രാജിയെന്നാണ് തമ്പി മേട്ടുതറയുടെ ആരോപണം. സംസ്ഥാന നേതൃത്വം ഇതു സംബന്ധിച്ച പരാതി ചര്‍ച്ച ചെയ്യാനോ നടപടി സ്വീകരിക്കാനോ തയ്യാറിയില്ലെന്നും രാജി കത്തില്‍ പറയുന്നു.
സി പി ഐ ജില്ലാ കൗണ്‍സില്‍ ഹരിപ്പാട് സീറ്റില്‍ ഉള്‍പ്പെടുത്തിയ മൂന്നുപേരില്‍ ഒരാളായിരുന്നു തമ്പി മേട്ടുതറ. സംസ്ഥാന സെക്രട്ടറി കാനം രാജേന്ദ്രന്‍ ഏകാധിപതിയാണെന്നും സി പി എമ്മിന്റെ ബി ടീമായി സി പി ഐ മാറിയിരിക്കുകയാണെന്നും രാജി കത്തില്‍ തമ്പി മേട്ടുതറ ആരോപിച്ചിട്ടുണ്ട്. സി പി ഐ നേതാവായ അന്തരിച്ച മേട്ടുതറ നാരായണന്റെ മകനാണ് തമ്പി മേട്ടുതറ.
Discussion about this post