ചെന്നൈ: തമിഴ്നാട് നിയമസഭാ തെരഞ്ഞെടുപ്പിൽ നടൻ കമൽഹാസൻ തോൽക്കുമെന്ന് മുൻ ഭാര്യ ഗൗതമി. സിനിമയിലെ പ്രശസ്തിയും രാഷ്ട്രീയത്തിലെ വിജയവും തമ്മിൽ ബന്ധമില്ലെന്നും അവർ പറഞ്ഞു. നല്ല രാഷ്ട്രീയകാര്ക്കേ വിജയമുണ്ടാകൂ എന്നും ഗൗതമി കൂട്ടിച്ചേർത്തു.
കോയമ്പത്തൂരിൽ ബിജെപിക്ക് വേണ്ടി പ്രചാരണ രംഗത്തിറങ്ങും. കോയമ്പത്തൂർ സൗത്തില് ബിജെപി വിജയിക്കുമെന്നും ഗൗതമി പറഞ്ഞു.
തമിഴ്നാട്ടിൽ ബിജെപിയുടെ താരപ്രചാരകയാണ് ഗൗതമി. വിരുദുനഗർ രാജപാളയം കേന്ദ്രമാക്കിയാണ് ഗൗതമി പ്രചാരണം നയിക്കുന്നത്.
അതേസമയം മതമൗലികവാദികളെ കൂട്ടുപിടിച്ച് തെരഞ്ഞെടുപ്പിനെ നേരിടാനുള്ള തീരുമാനം കമൽഹാസന് തിരിച്ചടിയാകുമെന്നാണ് സൂചന. കമൽഹാസൻ നേതൃത്വം നൽകുന്ന മൂന്നാം മുന്നണിയിൽ എസ് ഡി പി ഐയെ സഹകരിപ്പിച്ചത് ഭൂരിപക്ഷ സമുദായത്തിന്റെ പിന്തുണ കമൽഹാസന് പൂർണ്ണമായും നഷ്ടപ്പെടുത്തുമെന്നാണ് രാഷ്ട്രീയ നിരീക്ഷകർ അഭിപ്രായപ്പെടുന്നത്. നിയമസഭാ തെരഞ്ഞെടുപ്പിൽ എസ് ഡി പി ഐക്ക് 18 സീറ്റ് നൽകാൻ കമൽഹാസൻ തീരുമാനിച്ചിരുന്നു.
