മുംബൈ: കോവിഡിനെതിരായ പോരാട്ടം ഇന്ത്യ-പാക് യുദ്ധമല്ലെന്നും, കോവിഡ് പോരാട്ടത്തെ ആരും രാഷ്ട്രീയവത്കരിക്കരുതെന്നും ശിവസേന നേതാവ് സഞ്ജയ് റാവത്ത് പറഞ്ഞു. കോവിഡ് വ്യാപനത്തിന്റെ പശ്ചാത്തലത്തില് മഹാരാഷ്ട്രയില് ലോക്ക് ഡൌൺ ഏർപ്പെടുത്തരുതെന്നുള്ള മഹാരാഷ്ട്ര മുന്മുഖ്യമന്ത്രി ദേവേന്ദ്ര ഫഡ്നാവിസിന്റെ പ്രസ്താവനയോട് പ്രതികരിക്കുകയായിരുന്നു അദേഹം.
”ജനങ്ങളുടെ ജീവന് രക്ഷിക്കാന് മറ്റെന്ത് പരിഹാരമാണ് ഉള്ളത്,ഡല്ഹിയില് ഇരുന്നുകൊണ്ട് പ്രകാശ് ജാവഡേക്കര് ഞങ്ങള്ക്ക് പ്രഭാഷണം നല്കേണ്ടതില്ല. അദേഹം ഇവിടെ വന്ന് കാണണം. അദേഹത്തിനും സംസ്ഥാനവുമായി ബന്ധമുണ്ട്. ഇതൊന്നും രാഷ്ട്രീയവത്കരിക്കാന് പാടില്ല” റാവത്ത് പറഞ്ഞു.
കോവിഡ് പ്രതിരോധ വാക്സിന് വിതരണം വേഗത്തിലാക്കുകയും വാക്സിന് സ്റ്റോക് വര്ധിപ്പിക്കുകയും ചെയ്യേണ്ടത് കേന്ദ്രത്തിന്റെ ഉത്തരവാദിത്തമാണെന്നും റാവത്ത് കൂട്ടിച്ചേര്ത്തു. കോവിഡ് കേസുകള് ഉയരുന്നതിന്റെ പശ്ചാത്തലത്തില് മഹാരാഷ്ട്രയില് ഇതിനോടകം രാത്രികാല കര്ഫ്യുവും വാരാന്ത്യ ലോക്ഡൗണും ഏര്പ്പെടുത്തിയിട്ടുണ്ട്.
Discussion about this post