കൊവിഡ് ചികിത്സക്ക് വിരാഫിന്‍ മരുന്ന് ഉപയോഗിക്കാന്‍ ഡി.സി.ജി.ഐ അനുമതി നല്‍കി. വിരാഫിന്‍ മരുന്നിന്റെ അടിയന്തര ഉപയോഗത്തിന് നിബന്ധനകളോടെയാണ് ഡ്രഗ് കണ്‍ട്രോളര്‍ ജനറല്‍ ഓഫ് ഇന്ത്യ അനുമതി നല്‍കിയിരിക്കുന്നത്.
ഹൈദരാബാദിലെ സൈഡസ് കാഡില എന്ന കമ്പനിയാണ് ആന്‍റി വൈറല്‍ മരുന്നായ വിരാഫിന്‍ വികസിപ്പിച്ചത്. 91.15 ശതമാനം രോഗികള്‍ക്കും ഏഴ് ദിവസം കൊണ്ട് രോഗം ഭേദമായെന്നാണ് നിര്‍മാതാക്കളായ സൈഡസ് കാഡില അവകാശപ്പെടുന്നത്.
രാജ്യത്ത് കൊവിഡ് രോഗികളുടെ എണ്ണം കുതിച്ചുയരുന്നതിനിടെ കോവിഡ് വാക്‌സിന്‍ നിര്‍മാതാക്കളുമായി ചര്‍ച്ച നടത്താനിരിക്കുകയാണ് പ്രധാനമന്ത്രി നരേന്ദ്ര മോദി. കൂടുതല്‍ വിഭാഗക്കാര്‍ക്ക് വാക്‌സിന്‍ നല്‍കുന്നതോടെ കോവിഡിനെതിരായ പോരാട്ടം ശക്തിപ്പെടുത്താനാകുമെന്നാണ് കേന്ദ്ര സര്‍ക്കാറിന്റെ പ്രതീക്ഷ.
Discussion about this post