ഡൽഹി: പി എം കെയർ പദ്ധതി പ്രകാരം വിതരണം ചെയ്ത വെന്റിലേറ്ററുകൾ കേടാണെന്ന പ്രചാരണം തള്ളി കേന്ദ്ര സർക്കാർ. ഉപകരണങ്ങൾ എല്ലാം സുരക്ഷാ പരിശോധനകൾക്ക് ശേഷമാണ് വിതരണം ചെയ്തത്. ഒരിടത്ത് നിന്നും മറ്റൊരിടത്തേക്ക് അതിവേഗം മാറ്റേണ്ടി വന്നപ്പോൾ ചിലതിന് ചെറിയ തകരാറുകൾ സംഭവിച്ചു എന്നത് വാസ്തവമാണ്. എന്നാൽ അവ നിസ്സാര തകരാറുകൾ ആണെന്നും അറ്റകുറ്റ പണികൾക്ക് ശേഷം ഉപയോഗിക്കാമെന്നും കേന്ദ്രം വിശദീകരിച്ചു.
വെന്റിലേറ്ററുകൾ ഉപയോഗ യോഗ്യമാണെന്ന് ഭാരത് ഇലക്ട്രോണിക്സ് ലിമിറ്റഡ് സാക്ഷ്യപ്പെടുത്തിയതായും കേന്ദ്ര സർക്കാർ വ്യക്തമാക്കി. പരാതി ഉയർന്ന സ്ഥലങ്ങളിൽ ബെൽ ഉദ്യോഗസ്ഥർ നേരിട്ടെത്തി അവ പരിഹരിച്ചതായും കേന്ദ്രം അറിയിച്ചു.
പഞ്ചാബിൽ നിന്നാണ് പ്രധാനമായും പരാതി ഉയർന്നത്. ഇവിടെ മാത്രം കേന്ദ്ര സർക്കാർ 809 വെന്റിലേറ്ററുകൾ വിതരണം ചെയ്തിരുന്നു.
Discussion about this post