ഡൽഹി: രാജ്യത്ത് കൊവിഡ് വ്യാപനം രൂക്ഷമായ സാഹചര്യത്തിൽ സിവിൽ സർവീസ് പ്രിലിമിനറി പരീക്ഷകൾ മാറ്റി വെച്ചു. ഒക്ടോബർ 10ലേക്കാണ് പരീക്ഷകൾ മാറ്റിയിരിക്കുന്നത്. യു പി എസ് സി ആണ് ഇക്കാര്യം അറിയിച്ചത്. യു പി എസ് സി ആണ് ഇക്കാര്യം അറിയിച്ചത്. ജൂൺ 27ന് നടത്താനിരുന്ന പരീക്ഷയാണ് മാറ്റി വെച്ചിരിക്കുന്നത്.
അതേസമയം രാജ്യത്ത് കഴിഞ്ഞ 24 മണിക്കൂറിനിടെ 3,62,727 പേര്‍ക്ക് കോവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 2.37 കോടി കടന്നു. 24 മണിക്കൂറിനിടെ 4120 പേര്‍ കോവിഡ് ബാധിച്ചതായും കേന്ദ്ര ആരോഗ്യമന്ത്രാലയം അറിയിച്ചു.
ആകെ രോഗബാധിതരില്‍ 1.97 കോടിയിലേറേ പേര്‍ ഇതിനോടകം രോഗമുക്തരായി. കഴിഞ്ഞ 24 മണിക്കൂറിനിടെ മാത്രം 3,52,181 പേര്‍ രോഗമുക്തി നേടി. വിവിധ സംസ്ഥാനങ്ങളിലായി 37,10,525 പേരാണ് നിലവില്‍ ചികിത്സയില്‍ തുടരുന്നത്.
രാജ്യത്ത് ആകെ 17,72,14,256 പേര്‍ക്ക് ഇതുവരെ കോവിഡ് പ്രതിരോധ വാക്‌സിനേഷന്‍ നല്‍കിയതായും കേന്ദ്ര ആരോഗ്യ മന്ത്രാലയം വ്യക്തമാക്കുന്നു.
Discussion about this post