ഡല്ഹി: രാജ്യത്ത് തദ്ദേശീയമായി വികസിപ്പിച്ച പുതിയൊരു വാക്സിന് കൂടി വരുന്നു. സൈകോവ്-ഡി എന്നാണ് പുതിയ വാക്സിന്റെ പേര്. അഹമ്മദബാദ് ആസ്ഥാനമായി പ്രവര്ത്തിക്കുന്ന മരുന്ന് കമ്പനിയായ സൈഡസ് കാഡിലയാണ് വാക്സിന് വികസിപ്പിച്ചത്. മെയ് അവസാനത്തോടെ ഇന്ത്യയില് വാക്സിന്റെ അടിയന്തര ഉപയോഗത്തിനുള്ള അനുമതി തേടിയേക്കും.
ന്യൂക്ലിക് ആസിഡ് വാക്സിന് ഗണത്തില്പ്പെടുന്ന സൈകോവ്-ഡി ഒരു പ്ലാസ്മിഡ് ഡിഎന്എ വാക്സിനാണ്. ഇതിന് ശീതീകരണ ആവശ്യകതയും കുറവാണ്. അതിനാല് ശീതീകരണ യൂണിറ്റുകളുടെ ലഭ്യതക്കുറവ് നേരിടുന്ന ഉള്പ്രദേശങ്ങളില് പോലും വാക്സിന് വിതരണം സുഖമമാക്കാന് സാധിക്കും. വൈറസിന് ജനിതകമാറ്റം സംഭവിച്ചാല് വാക്സിന്റെ പ്ലാറ്റ്ഫോം എളുപ്പത്തില് പരിഷ്കരിക്കാനും കഴിയുമെന്നാണ് റിപ്പോര്ട്ടുകള്.
ഭാരത് ബയോടെക്കിന്റെ കോവാക്സിന് ശേഷം രാജ്യത്ത് തദ്ദേശിയമായി വികസിപ്പിക്കുന്ന രണ്ടാമത്തെ കോവിഡ് വാക്സിനാണിത്. ജൂണ് മാസത്തോടെ വാക്സിന് അനുമതി ലഭിക്കുമെന്നാണ് സൈഡസ് കാഡിലയുടെ പ്രതീക്ഷ.
അംഗീകാരം കിട്ടിയാല് ഇന്ത്യയില് അടിയന്തര ഉപയോഗത്തിന് അനുമതി ലഭിക്കുന്ന നാലാമത്തെ വാക്സിനായിരിക്കും സൈകോവ്-ഡി. ഭാരത് ബയോടെക്കിന്റെ കോവാക്സിന്, സെറം ഇന്സ്റ്റിറ്റ്യൂട്ടിന്റെ കോവിഷീല്ഡ്, റഷ്യയുടെ സ്പുട്നിക് v എന്നീ വാക്സിനുകള്ക്കാണ് നിലവില് ഇന്ത്യയില് അനുമതിയുള്ളത്.
Discussion about this post