മുംബൈ: മലാഡില് നാലുനില കെട്ടിടം തകര്ന്നുവീണ് ഒമ്പതുപേര് മരിച്ചു. നിരവധി പേർക്ക് പരിക്കേറ്റു. ബുധനാഴ്ച രാത്രി 11.10ഓടെയായിരുന്നു സംഭവം.
കനത്തമഴയെ തുടര്ന്നാണ് കെട്ടിടം തകർന്നു വീണത്. കെട്ടിടത്തിന്റെ കാലപ്പഴക്കവും ഒരു കാരണമാണ്. അപകടം നടക്കുന്ന സമയത്ത് 70 പേര് കെട്ടിടത്തിനകത്തുണ്ടായിരുന്നു.
പരിക്കേറ്റവരെ ആശുപത്രിയിൽ പ്രവേശിപ്പിച്ചിരിക്കുകയാണ്. കെട്ടിടാവശിഷ്ടങ്ങള്ക്കടിയില് നിരവധി പേര് കുടുങ്ങിക്കിടക്കുന്നതായി സംശയിക്കുന്നുണ്ട്. പൊലീസും അഗ്നിരക്ഷാ സേനയും രക്ഷാപ്രവർത്തനം തുടരുകയാണ്.
തകർന്നുവീണ കെട്ടിടത്തിന് സമീപമുള്ള കെട്ടിടങ്ങളിൽ നിന്നും അധികൃതർ ആളുകളെ ഒഴിപ്പിക്കുകയാണ്. ഇവയിൽ പല കെട്ടിടങ്ങളും കാലപ്പഴക്കം കൊണ്ട് തകർച്ചയുടെ വക്കിലാണ്.
Discussion about this post