കോട്ടയം: സ്‌പീക്കറുടെ പി.എയാണെന്ന് വിശ്വസിപ്പിച്ച്‌ തൊഴില്‍ തട്ടിപ്പ് നടത്തി യുവതിയുടെ കൈയില്‍ നിന്നും പണം അടിച്ചുമാറ്റിയ വിരുതന്‍ അറസ്റ്റിൽ. പാലക്കാട് സ്വദേശി പ്രവീണ്‍ ബാലചന്ദ്രനാണ് കോട്ടയം ഗാന്ധിനഗര്‍ പൊലീസിന്റെ പിടിയിലായത്. തൃശൂരിലെ ഫ്ളാറ്റില്‍ നിന്നായിരുന്നു ഇയാളെ അറസ്‌റ്റ് ചെയ്‌തത്.
കോട്ടയം ഉഴവൂര്‍ സ്വദേശിനിയായ യുവതിക്ക് വാട്ടര്‍ അതോറിറ്റിയില്‍ ജോലി നല്‍കാമെന്ന് വാഗ്‌ദാനം നല്‍കി പതിനായിരം രൂപ തട്ടിയെടുത്ത കേസിലാണ് ഇയാളെ അറസ്‌റ്റ് ചെയ്‌തത്.
സംഭവത്തെ കുറിച്ച്‌ യുവതി തന്നെ സ്‌പീക്കറെ വിളിച്ച്‌ പരാതിപ്പെട്ടു. തുടര്‍ന്ന് സ്‌പീക്കര്‍ ഡി.ജി.പിയ്‌ക്ക് പരാതി നല്‍കി. തുടര്‍ന്ന് കേസന്വേഷണം ഏറ്റെടുത്ത ഗാന്ധിനഗര്‍ പൊലീസ് ഇയാളെ പിടികൂടുകായായിരുന്നു. മുന്‍പ് തിരുവനന്തപുരത്ത് തൊഴില്‍തട്ടിപ്പ് നടത്തി അറസ്‌റ്റിലായ ഇയാള്‍ ജാമ്യത്തിലിറങ്ങി ഉടനാണ് അടുത്ത തൊഴില്‍ തട്ടിപ്പ് നടത്തിയത്.
Discussion about this post