കൊച്ചി: ലുലു മാളില്‍ കണ്ടെത്തിയ തോക്ക് ചൈനീസ് മോഡലെന്നു കണ്ടെത്തി. 1962-ലെ ചൈനീസ് മോഡല്‍ നോറിങ്കോ ടോക്കറേവ് 9 എംഎം പിസ്റ്റള്‍ ആണ് കണ്ടെത്തിയത്. ബാലിസ്റ്റിക് പരിശോധനയിലാണ് തോക്കിന്റെ വിശദാംശങ്ങള്‍ ലഭിച്ചത്. സീരിയല്‍ നമ്പര്‍ പ്രകാരം തോക്കിന് കേരളത്തില്‍ നിന്നു ലൈസന്‍സ് ലഭിച്ചിട്ടില്ലാനാണ് വിവരം.
വിഷയത്തില്‍ കേന്ദ്ര ആഭ്യന്തര മന്ത്രാലയത്തെയടക്കം സഹായം തേടും. ഏപ്രിലില്‍ ലുലു മാളില്‍ സാധനങ്ങള്‍ എടുക്കുന്ന ട്രോളിയില്‍ ഉപേക്ഷിച്ച നിലയിലാണ് തോക്ക് കണ്ടെത്തിയത്.
മാളിലെ ശുചീകരണ തൊഴിലാളികളാണ് തോക്ക് കണ്ടെത്തിയത്. തുടര്‍ന്നു നടന്ന ബാലിസ്റ്റിക് പരിശോധനയില്‍ 1962-ലെ ചൈനീസ് മോഡല്‍ നോറിങ്കോ ടോക്കറേവ് 9 പിസ്റ്റള്‍ ആണിതെന്ന് തിരിച്ചറിഞ്ഞത്. ഇതുമായി ബന്ധപ്പെട്ട് ഒരാളെ നേരെത്തെ പോലീസ് കസ്റ്റഡിയില്‍ എടുത്തിരുന്നു.
എന്നാല്‍ ഇയാള്‍ക്ക് സംഭവത്തില്‍ പങ്കില്ലെന്ന് ചോദ്യം ചെയ്യലില്‍ വ്യക്തമായി.
Discussion about this post