വാഷിങ്ടണ്: വിമാനം പറക്കുന്നതിനിടെ സീറ്റില് നിന്നും എഴുന്നേറ്റ യുവതി വാതിൽ തുറക്കാന് ശ്രമിച്ചു. ടെക്സസില് നിന്ന് നോര്ത്ത് കരോലിനയിലേക്ക് പോവുകയായിരുന്ന വിമാനത്തിലാണ് നാടകീയ സംഭവങ്ങള് അരങ്ങേറിയത്. യാത്രക്കിടെ വിമാനത്തിന്റെ വാതില് തുറക്കാന് ശ്രമിച്ച യുവതിയെ ജീവനക്കാര് ടേപ്പ് ഉപയോഗിച്ച് സീറ്റില് കെട്ടിയിട്ടു.
യാത്ര ആരംഭിച്ച് കുറച്ചു സമയം കഴിഞ്ഞതോടെ സീറ്റില് നിന്നും എണീറ്റ യുവതി വിമാനത്തില് നിന്ന് പുറത്തിറങ്ങാനായി വാതില് ബലമായി തുറക്കാന് ശ്രമിക്കുകയായിരുന്നു. യാത്രക്കാരിയുടെ പ്രകോപനപരമായ പെരുമാറ്റം കണ്ട് അമ്പരന്ന ജീവനക്കാര് യാത്രക്കാരിയെ സമാധാനപ്പെടുത്താന് ശ്രമിച്ചുവെങ്കിലും യുവതി ജീവനക്കാരെ കടിക്കുകയും മാന്തുകയും ചെയ്തു. ഇതോടെ ക്രൂ അംഗങ്ങള് യുവതിയെ ടേപ്പ് ഉപയോഗിച്ച് സീറ്റില് കെട്ടിയിടുകയായിരുന്നു. വിമാനം പുറപ്പെടാന് മൂന്ന് മണിക്കോറോളം വൈകിയിരുന്നതിനാല് യുവതി മാനസിക സമ്മര്ദ്ദത്തിലായിരുന്നുവെന്നാണ് വിവരം. സംഭവത്തിന്റെ ദൃശ്യങ്ങള് യാത്രക്കാരിലൊരാള് ടിക് ടോക്കില് ഷെയര് ചെയ്തതോടെയാണ് വിവരം പുറത്തായത്.
Discussion about this post