റോം: ഫുട്ബോൾ മത്സരങ്ങൾക്ക് പച്ച നിറത്തിലുള്ള ജഴ്സികൾ നിരോധിച്ചു. ഇറ്റലിയിലെ ഒന്നാം ഡിവിഷൻ ആഭ്യന്തര ഫുട്ബോൾ ലീഗായ സീരി എ യിലാണ് പച്ച ജഴ്സിക്ക് നിരോധനം. 2022-23 സീസൺ മുതൽ നിരോധനം പ്രാബല്യത്തിൽ വരും.
പിച്ചിന്റെ നിറവുമായി ജഴ്സികളുടെ പച്ച നിറം ഇടകലരുമ്പോൾ സ്റ്റേഡിയത്തിലെയും ടെലിവിഷനിലെയും കാണികൾക്കും മാച്ച് ഒഫീഷ്യലുകൾക്കും ആശയക്കുഴപ്പമുണ്ടാകുന്നുണ്ട് എന്ന കണ്ടെത്തലിനെ തുടർന്നാണ് തീരുമാനം.
കിറ്റുകളിൽ മൂന്ന് നിറങ്ങളിൽ കൂടുതൽ ഉപയോഗിക്കുന്നുണ്ടെങ്കിൽ അവയിൽ ഒരെണ്ണത്തിന് പ്രാമുഖ്യം നൽകണമെന്നും അത്ലറ്റിക് ആൻഡ് ഫുട്ബോൾ ഇറ്റാലിയ വ്യക്തമാക്കുന്നു. ക്ലബുകൾക്ക് ജഴ്സികളിൽ മാറ്റം വരുത്താൻ മതിയായ സമയം നൽകുന്നതിനാണ് ഒരു വർഷം മുൻപേ ഇക്കാര്യം വ്യക്തമാക്കുന്നതെന്നും അധികൃതർ വ്യക്തമാക്കി.
