‘നന്നായി വെളുപ്പിക്കാൻ അറിയാവുന്നവരുടെ നമ്പർ ഉണ്ടെങ്കിൽ മെസേജ് ചെയ്യുക‘; മാലിക് സിനിമ മുന്നോട്ട് വെക്കുന്ന രാഷ്ട്രീയത്തെ ട്രോളി ശ്രീജിത്ത് പണിക്കർ

മാലിക് സിനിമ മുന്നോട്ടു വെക്കുന്ന രാഷ്ട്രീയ വീക്ഷണത്തെ പരിഹസിച്ച് സംവാദകൻ ശ്രീജിത്ത് പണിക്കർ. സിനിമ പ്രതിപാദിക്കുന്ന മതാധിഷ്ഠിത ഹീറോയിസത്തെയും ഇടത് പക്ഷപാതിത്വത്തെയും വിമർശിച്ച് നിരവധി പേർ രംഗത്ത് വന്നിരുന്നു. ഈ പശ്ചാത്തലത്തിൽ ഫേസ്ബുക്ക് പോസ്റ്റിലൂടെയാണ് ശ്രീജിത്ത് പണിക്കരുടെ വിമർശനം.

ഫേസ്ബുക്ക് പോസ്റ്റിന്റെ പൂർണ്ണ രൂപം: ‘മാലിക്’ ഇഷ്ടപ്പെട്ടു. നല്ല പ്രമേയം. മികച്ച പശ്ചാത്തലം. ഫഹദിന്റെ സ്വാഭാവികതയെക്കാൾ മുകളിൽ നിന്നത് ലീഡ് നടിയുടെ അചഞ്ചലമായ ഭാവാഭിനയം. എല്ലാത്തിനും മുകളിൽ ചരിത്രത്തോട് അങ്ങേയറ്റത്തെ നീതിബോധം. സിനിമയുടെ അണിയറ പ്രവർത്തകരെ പരിചയമുണ്ടെങ്കിൽ എനിക്ക് നമ്പർ മെസേജ് ചെയ്യുക.

NB: വീടാകെ മോശമായി. ഒന്ന് വൈറ്റ്‌വാഷ് ചെയ്യണം. നന്നായി വെളുപ്പിക്കാൻ അറിയുന്നവരുടെ നമ്പർ ഉണ്ടെങ്കിൽ അതും മെസേജ് ചെയ്യുക. രണ്ടുംകൂടി ഒന്നിച്ച് അയച്ചാൽ മതി. 

https://www.facebook.com/panickar.sreejith/posts/4270942979592411