ഡല്ഹി: കരസേനയ്ക്ക് കരുത്തു പകർന്ന് രാജ്യത്തെ പ്രമുഖ പൊതുമേഖല പ്രതിരോധ ഗവേഷണ സ്ഥാപനമായ ഡിആര്ഡിഒ ആത്മനിര്ഭര് ഭാരത് പദ്ധതി അനുസരിച്ച് വികസിപ്പിച്ച അത്യാധുനിക ടാങ്ക് വേധ മിസൈല് വിജയകരമായി പരീക്ഷിച്ചു.
കുറഞ്ഞ ഭാരം മാത്രമുള്ള ഈ മിസൈല് മറ്റുള്ളവരുടെ സഹായമില്ലാതെ ഒരാള്ക്ക് തന്നെ വഹിച്ചു കൊണ്ടുപോകാവുന്നതാണ് എന്നതാണ് പ്രത്യേകത. ഇത് വിക്ഷേപിക്കാന് ഉപയോഗിക്കുന്ന സംവിധാനവും സമാനമായ രീതിയില് കൊണ്ടുപോകാവുന്നതാണ്.
ഇതിലൂടെ കൃത്യമായി ശത്രുവിന്റെ നീക്കം തിരിച്ചറിഞ്ഞ് ലക്ഷ്യസ്ഥാനത്തേക്ക് തൊടുക്കാന് സജ്ജമാക്കുന്ന ഇന്ഫ്രാറെഡ് സാങ്കേതികവിദ്യ ഇതില് ഉപയോഗിച്ചിട്ടുണ്ട്. ഇതിന് പുറമേ ആധുനിക ഇലക്ട്രോണിക്സ് സംവിധാനവും ഇതില് ഒരുക്കിയിട്ടുണ്ടെന്ന് ഡിആര്ഡിഒ അറിയിച്ചു. മിസൈല് കൃത്യമായി ലക്ഷ്യസ്ഥാനത്ത് പതിച്ചതായി ഡിആര്ഡിഒ അറിയിച്ചു.
