തൃശൂര്: കരുവന്നൂര് ബാങ്ക് തട്ടിപ്പ് കേസിലെ പ്രതികളില് മൂന്നു പേരും സി പി എം അംഗങ്ങള്. ഇവരില് രണ്ട് പേര് പാര്ട്ടി ലോക്കല് കമ്മിറ്റി അംഗങ്ങളാണ്. മാനേജര് ആയിരുന്ന ബിജു കരീം, സെക്രട്ടറി ആയിരുന്ന ടി ആര് സുനില് കുമാര്, ചീഫ് അക്കൗണ്ടന്റ് സി കെ ജില്സ് എന്നീ പ്രതികള് പാര്ട്ടി അംഗങ്ങളാണെന്ന വിവരമാണ് പുറത്തുവന്നിരിക്കുന്നത്. ബിജു കരീം സി പി എം പൊറത്തിശേരി ലോക്കല് കമ്മിറ്റി അംഗവും ടി ആര് സുനില് കുമാര് കരുവന്നൂര് ലോക്കല് കമ്മിറ്റി അംഗവുമാണ്.
നൂറ് കോടിയുടെ വന് വായ്പ തട്ടിപ്പ് കരിവന്നൂര് സഹകരണ ബാങ്കില് നടന്നുവെന്നാണ് കണ്ടെത്തല്. 46 പേരുടെ ആധാരത്തില് എടുത്ത വായ്പയുടെ തുക ഒരു വ്യക്തിയുടെ അക്കൗണ്ടിലേക്ക് ട്രാന്സ്ഫര് ചെയ്തതടക്കം വന് തട്ടിപ്പുകളാണ് ബാങ്കില് നടന്നത്.
സി പി എം നേതൃത്വത്തിലുള്ള ഭരണസമിതിയാണ് ബാങ്കിന്റെ തലപ്പത്തുണ്ടായിരുന്നത്. തട്ടിപ്പ് വിവരം കണ്ടെത്തിയതിനെ തുടര്ന്ന് 13 അംഗഭരണസമിതി പിരിച്ചു വിട്ടിരുന്നു. ബാങ്ക് സെക്രട്ടറിയടക്കം ആറ് ജീവനക്കാരെ പ്രതികളാക്കിയാണ് ഇരിങ്ങാലക്കുട പൊലീസ് കേസെടുത്തിരിക്കുന്നത്.
Discussion about this post