ഭുവനേശ്വര്‍: ഭാര്യയുടെ വിയോഗം സഹിക്കാനാകാതെ ചിതയിലേക്ക് ചാടിയ ഭര്‍ത്താവും മരിച്ചു.ഒഡീഷയിലെ കലഹണ്ടി ജില്ലയിലാണ് സംഭവം.ഗോലാമുണ്ടയിലെ സിയാല്‍ജോദി ഗ്രാമത്തിലെ നീലമണി സബാര്‍ എന്ന 65 കാരനാണ് മരിച്ചത്.
നീലമണി സബാറിന്റെ ഭാര്യ റായ്ബറി ചൊവ്വാഴ്ച വൈകിട്ടാണ് ഹൃദായാഘാതത്തെത്തുടര്‍ന്ന് മരിച്ചത്. എന്നാല്‍ അറുപതുകാരനായ നിളാമണിക്ക് ഭാര്യാവിയോഗം താങ്ങാനായില്ല. മരണാനന്തര ചടങ്ങുകള്‍ നടക്കുന്നതിനിടെ നിളാമണി ചിതയിലേക്ക് എടുത്തു ചാടി. സംസ്‌കാരച്ചടങ്ങുകളോടനുബന്ധിച്ച്‌ കൂടെയുണ്ടായിരുന്ന നാലു മക്കളും കുളിക്കാന്‍ പോയ സമയത്താണ് നിലാമനി സബര്‍ അപ്രതീക്ഷിതമായി ചിതയിലേക്ക് എടുത്തുചാടിയത്. തല്‍ക്ഷണം മരിച്ചു.
ഭാര്യയുടെ വിയോഗം താങ്ങാനാവാതെ സബര്‍ ചിതയിലേക്ക് ചാടുകയായിരുന്നെന്ന് ദൃക്സാക്ഷികള്‍ പറഞ്ഞു.അതേസമയം ഭാര്യ ജീവിച്ചിരിക്കെ ഇരുവരും വേര്‍പിരിഞ്ഞാണ് കഴിഞ്ഞിരുന്നതെന്നും പ്രദേശവാസികള്‍ സൂചിപ്പിക്കുന്നു. സംഭവത്തില്‍ അസാധാരണ മരണത്തിന് കേസെടുത്ത് അന്വേഷണം ആരംഭിച്ചതായി ഒഡീഷ പൊലീസ് അറിയിച്ചു. ഗ്രാമപഞ്ചായത്തില്‍ നിന്നും തിരഞ്ഞെടുക്കപ്പെട്ട അംഗം കൂടിയായിരുന്നു നിളാമണി.
Discussion about this post