അയോധ്യ: രാഷ്ട്രപതി രാമ്നാഥ് കോവിന്ദ് ഇന്ന് അയോദ്ധ്യ സന്ദർശിക്കും. അദ്ദേഹം നാല് മണിക്കൂർ നേരം നഗരത്തിൽ തങ്ങും. രാഷ്ട്രപതിയുടെ സന്ദർശനത്തിന്റെ പശ്ചാത്തലത്തിൽ അയോധ്യ നഗരത്തിന്റെ സുരക്ഷ വർദ്ധിപ്പിച്ചു.
പകൽ 11.30ഓടെ രാഷ്ട്രപതി അയോധ്യയിൽ എത്തും. തുടർന്ന് ഉത്തർ പ്രദേശ് ഗവർണർ ആനന്ദി ബെൻ പട്ടേലിനും മുഖ്യമന്ത്രി യോഗി ആദിത്യനാഥിനുമൊപ്പം അദ്ദേഹം രാമകഥാ പാർക്കിലേക്ക് പോകും. അവിടെ രാമായണ കോൺക്ലേവിൽ പങ്കെടുത്ത ശേഷം അദ്ദേഹം നിരവധി പദ്ധതികൾക്ക് തറക്കല്ലിടും.
ഉച്ചയ്ക്ക് 2.20ഓടെ ഹനുമാൻ ഘാട്ടിയിൽ എത്തുന്ന രാഷ്ട്രപതി രാം ലല്ലയിൽ ദർശനം നടത്തും. രാമജന്മഭൂമി സമുച്ചയത്തിൽ അദ്ദേഹം വൃക്ഷത്തൈകൾ നടും. രാം ലല്ലയ്ക്ക് സമീപം അദ്ദേഹം രുദ്രാക്ഷ വൃക്ഷത്തിന്റെ തൈയും നടും.
Discussion about this post