കാലിഫോര്‍ണിയ: അമേരിക്കന്‍ മുന്‍ പ്രസിഡന്റ് ബില്‍ ക്ലിന്‍റനെ കാലിഫോര്‍ണിയയിലെ ആശുപത്രിയില്‍ പ്രവേശിപ്പിച്ചു. കാലിഫോര്‍ണിയ ഇര്‍വിന്‍ മെഡിക്കല്‍ സെന്‍ററിലെ അത്യാഹിത വിഭാഗത്തിലാണ് ക്ലിന്‍റനെ പ്രവേശിപ്പിച്ചത്. കോവിഡ് സംബന്ധിച്ചകാരണങ്ങൾ അല്ലെന്നും മൂത്രാശയത്തെ ബാധിച്ച അണുബാധ രക്തത്തിലേക്കും കലര്‍ന്നതായും ഡോക്ടര്‍മാര്‍ സൂചിപ്പിച്ചു.
‘ക്ലിന്റന് വീട്ടുകാരുമായി സംസാരിച്ചു. മരുന്നുകളോട് ശരീരം നല്ല രീതിയില്‍ പ്രതികരിക്കുന്നുണ്ട്. എത്രയും വേഗം ക്ലിന്റന് ആശുപത്രി വിടാനാകുമെന്നാണ് പ്രതീക്ഷിക്കുന്നത്. സുരക്ഷ മുന്‍നിര്‍ത്തിയാണ് ക്ലിന്‍റനെ ഐ.സി.യുവിലേക്ക് മാറ്റിയത്’- ഡോക്ടര്‍മാര്‍ പറഞ്ഞു.
അമേരിക്കയുടെ 42ാമത്തെ പ്രസിഡന്‍റായി 1993 മുതല്‍ 2001 വരെയാണ് ക്ലിന്‍റണ്‍ അധികാരത്തിലുണ്ടായിരുന്നത്. 2004ല്‍ ഇദ്ദേഹം ഹൃദയ ശസ്ത്രക്രിയക്ക് വിധേയനായിരുന്നു.
Discussion about this post