ഒന്നാം ട്വെന്റി 20: ഇന്ത്യക്ക് 165 റൺസ് വിജയ ലക്ഷ്യം

ജയ്പൂർ: ന്യൂസിലാൻഡിനെതിരായ ഒന്നാം ട്വെന്റി 20 ക്രിക്കറ്റ് മത്സരത്തിൽ ഇന്ത്യക്ക് 165 റൺസ് വിജയ ലക്ഷ്യം. ടോസ് നഷ്ടമായി ബാറ്റിംഗിനിറങ്ങിയ കിവീസ് ഇരുപത് ഓവറിൽ 6 വിക്കറ്റ് നഷ്ടത്തിൽ 164 റൺസെടുത്തു. 70 റൺസെടുത്ത മാർട്ടിൻ ഗപ്ടിലാണ് ടോപ് സ്കോറർ.

ചാപ്മാൻ 63 റൺസെടുത്തു. ഇന്ത്യക്ക് വേണ്ടി 4 ഓവറിൽ 24 റൺസ് വഴങ്ങി 2 വിക്കറ്റെടുത്ത ഭുവനേശ്വർ കുമാർ ഗംഭീര തിരിച്ചു വരവ് നടത്തി. 4 ഓവറിൽ 23 റൺസ് മാത്രം വഴങ്ങി അശ്വിനും 2 വിക്കറ്റെടുത്തു. ദീപക് ചഹാറിനും മുഹമ്മദ് സിറാജിനും ഓരോ വിക്കറ്റ് ലഭിച്ചു.

മറുപടി ബാറ്റിംഗിൽ ഇന്ത്യ ഒരോവറിൽ വിക്കറ്റ് നഷ്ടമാകാതെ 7 റൺസെടുത്തിട്ടുണ്ട്.