ഇസ്ലാമാബാദ്: പാകിസ്ഥാനിൽ ക്രിക്കറ്റ് കളി തിരിച്ചെത്തിയെങ്കിലും സ്റ്റേഡിയങ്ങളിലേക്ക് കാണികൾ എത്തുന്നില്ല. നിലവില്‍ നടന്നുകൊണ്ടിരിക്കുന്ന പാകിസ്താന്‍-വെസ്റ്റിന്‍ഡീസ് ട്വന്റി-20 പരമ്പരയിലെ മത്സരങ്ങള്‍ കാണാന്‍ സ്റ്റേഡിയത്തില് കാണികൾ വളരെ കുറവാണ്. 32000 പേര്‍ക്ക് കളി കാണാന്‍ പറ്റുന്ന കറാച്ചിയിലെ സ്റ്റേഡിയത്തിൽ കഴിഞ്ഞ ദിവസം നടന്ന രണ്ടാം ട്വന്റി-20 മത്സരം കാണാന്‍ 4000 കാണികള്‍ മാത്രമാണെത്തിയത്.
ടിക്കറ്റ് നിരക്ക് പകുതിയാക്കി കുറച്ചിട്ടും സ്റ്റേഡിയത്തിലേക്ക് കാണികൾ തിരിഞ്ഞു നോക്കുന്നില്ല. സ്റ്റേഡിയത്തില് എത്തുന്നവര്‍ക്ക് മികച്ച സൗകര്യങ്ങള്‍ ഏര്‍പ്പെടുത്തുമെന്ന് പിസിബി പ്രസിഡന്റ് റമീസ് രാജ പ്രഖ്യാപിച്ചെങ്കിലും അതുകൊണ്ടും ഫലമുണ്ടായില്ല. ഈ സാഹചര്യത്തിൽ, കാണികളോട് സ്റ്റേഡിയത്തിലേക്ക് എത്തണമെന്ന് അഭ്യർത്ഥിച്ച് പാക് ക്രിക്കറ്റ് താരങ്ങളും മുൻ താരങ്ങളും രംഗത്തെത്തി. കറാച്ചിയിലെ സ്‌റ്റേഡിയം കാലിയായി കാണുന്നതില്‍ ഒരുപാട് സങ്കടമുണ്ടെന്നായിരുന്നു മുൻ പാക് താരം വസീം അക്രമിന്റെ പ്രതികരണം.
Discussion about this post