ഡൽഹി: നേതാജി സുഭാഷ് ചന്ദ്രബോസിന്റെ 125ആം ജന്മവാർഷിക ദിനത്തിൽ പാർലമെന്റിന്റെ സെൻട്രൽ ഹാളിലെ നേതാജിയുടെ ചിത്രത്തിന് മുന്നിൽ പുഷ്പാർച്ചന നടത്തി പ്രധാനമന്ത്രി നരേന്ദ്ര മോദി. രാജ്യത്തിന് വേണ്ടി നേതാജി നൽകിയ അതുല്യമായ സംഭാവനകൾ ഓരോ ഭാരതീയനും അഭിമാനമാണെന്നും അദ്ദേഹം പറഞ്ഞു.
പരാക്രം ദിവസത്തിൽ നേതാജിയുടെ സ്മരണകൾക്ക് മുന്നിൽ ശിരസ്സ് നമിക്കുകയാണ്. രാജ്യത്തെ എല്ലാ പൗരന്മാർക്കും ഈ ദിവസത്തിൽ ആശംസകൾ അറിയിക്കുകയാണെന്നും പ്രധാനമന്ത്രി ട്വീറ്റ് ചെയ്തു.
നേതാജി സുഭാഷ് ചന്ദ്രബോസിന്റെ 125ആം ജന്മവാർഷികം പരാക്രം ദിവസ് എന്ന പേരിൽ ആചരിക്കാൻ കേന്ദ്ര സർക്കാർ കഴിഞ്ഞ വർഷം തീരുമാനിച്ചിരുന്നു. നേതാജിയോടുള്ള ആദര സൂചകമായി അദ്ദേഹത്തിന്റെ ഹോളോഗ്രാം പ്രതിമ ഞായറാഴ്ച വൈകുന്നേരം 6.00ന് പ്രധാനമന്ത്രി ഇന്ത്യാ ഗേറ്റിൽ അനാച്ഛാദനം ചെയ്യും.
