ഡൽഹി: കർഷക സമരകാലത്ത് ഇന്ത്യൻ സർക്കാരിനെതിരെ നിലപാടെടുത്ത കനേഡിയൻ പ്രധാനമന്ത്രി ജസ്റ്റിൻ ട്രൂഡോയുടെ ഇപ്പോഴത്തെ അവസ്ഥയെ പരിഹസിച്ച് മുൻ ഇന്ത്യൻ ക്രിക്കറ്റ് താരം വെങ്കിടേഷ് പ്രസാദ്. കൊവിഡ് വാക്സിൻ നിർബ്ബന്ധമാക്കിയ ട്രൂഡോയുടെ നടപടിയിൽ പ്രതിഷേധിച്ച് ആരംഭിച്ച സമരത്തിൽ കാനഡയിലെ കർഷകർ കൂടി അണിനിരന്നതോടെയാണ് ട്രൂഡോ വെട്ടിലായത്. നിലവിൽ സമരക്കാരെ ഭയന്ന് ട്രൂഡോയും കുടുംബവും ഒളിവിലാണെന്നാണ് വിവരം.
‘കർമ്മ കഫേയിലേക്ക് സ്വാഗതം. ഇവിടെ മെനു ഇല്ല. നിങ്ങൾ അർഹിക്കുന്നത് നിങ്ങൾക്ക് ഇവിടെ ലഭിക്കും. നിങ്ങൾ എത്ര ശക്തനായാലും നിങ്ങളുടെ യോഗ്യതക്ക് അനുസരിച്ചുള്ളത് ഇവിടെ ലഭിക്കും.“ #JustinTrudeau. ഇതായിരുന്നു പ്രസാദിന്റെ ട്വീറ്റ്.
ട്രൂഡോയ്ക്കെതിരെ പ്രതിഷേധവുമായി നിരത്തിലിറങ്ങിയ ആയിരക്കണക്കിന് ട്രക്കറുകൾ ഒട്ടാവയിൽ ഗതാഗത സ്തംഭനം സൃഷ്ടിച്ചിരുന്നു. പാർലമെന്റ് മന്ദിരത്തിലേക്കുള്ള വഴി സമരക്കാർ ബ്ലോക്ക് ചെയ്തിരുന്നു. സമരം നിമിത്തം കാനഡയുടെ ആകെ നഷ്ടം പ്രതിദിനം 627,0000 ഡോളറാണ് എന്നാണ് കണക്ക്.
Discussion about this post