ഡല്‍ഹി: ഉക്രൈന്‍ – റഷ്യ യുദ്ധത്തിനെ തുടര്‍ന്ന് ഉക്രൈനില്‍ കുടുങ്ങിയ മകള്‍, ഓപ്പറേഷന്‍ ഗംഗയുടെ ഭാഗമായി നാട്ടിലെത്തിയതിന്റെ സന്തോഷത്തില്‍ പ്രധാനമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കി പിതാവ്. അങ്കിത താക്കൂര്‍ എന്ന വിദ്യാര്‍ത്ഥിനിയുടെ കുടുംബമാണ് സര്‍ക്കാരിന്റെ ദുരിതാശ്വാസ നിധികളിലേക്ക് സംഭാവന നല്‍കിയത്. അങ്കിത തിങ്കളാഴ്ചയാണ് വീട്ടില്‍ തിരിച്ചെത്തിയത്. പ്രധാനമന്ത്രിയുടെ പരിചരണ ഫണ്ടിലേക്ക് 21000 രൂപയും മുഖ്യമന്ത്രിയുടെ ദുരിതാശ്വാസ നിധിയിലേക്ക് 11000 രൂപയുമാണ് അങ്കിതയുടെ കുടുംബം സംഭാവന ചെയ്തത്.
ഉക്രൈനിലെ റഷ്യന്‍ അധിനിവേശത്തെ തുടര്‍ന്ന്, മറ്റനേകം പേരെ പോലെ തന്നെ അങ്കിതയ്ക്കും പഠനം ഉപേക്ഷിച്ച്‌ നാട്ടിലേക്ക് മടങ്ങേണ്ടി വരികയായിരുന്നു. ഹമീര്‍പൂര്‍ ജില്ലയിലെ അമ്രോഹ് സ്വദേശിയാണ് അങ്കിത. പിതാവ് ജെബി സിംഗ് ആയുര്‍വേദ ആരോഗ്യ കേന്ദ്രമായ ജലെഡിയിലെ ഡോക്ടറാണ്. യുദ്ധഭൂമിയായ ഉക്രൈനില്‍ നിന്ന് കുഴപ്പങ്ങളൊന്നുമില്ലാതെ തിരിച്ചെത്തിയ സന്തോഷത്തില്‍ ആണ് അങ്കിതയുടെ കുടുംബം.
Discussion about this post