മുംബൈ: മഹാരാഷ്ട്രയിലെ നാസിക്കിൽ ബസ് ട്രക്കുമായി കൂട്ടിയിടിച്ച് പത്ത് പേർ മരിച്ചു. കൊല്ലപ്പെട്ടവരിൽ 7 പേർ സ്ത്രീകളാണ്. അൻപത് യാത്രക്കാരുമായി ഷിർദിയിലേക്ക് പോയ ബസാണ് അപകടത്തിൽ പെട്ടത്. നിരവധി യാത്രക്കാർക്ക് പരിക്ക് പറ്റിയതായാണ് വിവരം. പരിക്കേറ്റവരെ വിവിധ ആശുപത്രികളിൽ പ്രവേശിപ്പിച്ചിരിക്കുകയാണ്. താനെയിലെ അംബർനാഥിൽ നിന്നുമാണ് ബസ് യാത്ര പുറപ്പെട്ടത്.
അപകടത്തിൽ കൊല്ലപ്പെട്ടവരുടെ കുടുംബങ്ങൾക്ക് അടിയന്തര ധനസഹായമായി 5 ലക്ഷം രൂപ വീതം അനുവദിച്ചതായി മഹാരാഷ്ട്ര സർക്കാർ അറിയിച്ചു. സംഭവത്തിൽ അന്വേഷണത്തിന് ഉത്തരവിട്ടതായി മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്നവിസ് പറഞ്ഞു.
Discussion about this post