മുംബൈ: ഐപിഎൽ സ്ഥാപക ചെയർമാൻ ലളിത് മോഡി ഗുരുതരാവസ്ഥയിൽ. കൊവിഡിനൊപ്പം ഇൻഫ്ലുവൻസയും ന്യുമോണിയയും ബാധിച്ച അദ്ദേഹം ഓക്സിജൻ സിലിണ്ടറിന്റെ സഹായത്തോടെയാണ് ശ്വസിക്കുന്നത്. രോഗശയ്യയിലായ തന്റെ ചിത്രം ലളിത് മോഡി തന്നെ ഇൻസ്റ്റഗ്രാമിൽ പങ്കുവെച്ചിട്ടുണ്ട്.
മെക്സിക്കോയിൽ വെച്ചാണ് തനിക്ക് രോഗബാധയുണ്ടായതെന്ന് ലളിത് മോഡി പറയുന്നു. എയർ ആംബുലൻസിൽ ലണ്ടനിലെത്തിയ അദ്ദേഹം നിലവിൽ അവിടെ ചികിത്സയിലാണ്.
നടിയും മോഡലുമായ സുസ്മിത സെന്നുമായി താൻ അടുപ്പത്തിലാണെന്ന് അടുത്തയിടെ ലളിത് മോഡി വെളിപ്പെടുത്തിയിരുന്നു. എന്നാൽ സുസ്മിത ഇതിനോട് പ്രതികരിച്ചിരുന്നില്ല. സുസ്മിതയുടെ സഹോദരൻ രാജീവ് സെൻ ലളിത് മോഡിക്ക് രോഗശാന്തി നേർന്ന് ഇൻസ്റ്റഗ്രാമിൽ കുറിപ്പ് പങ്കുവെച്ചിട്ടുണ്ട്.
Discussion about this post