ഓസ്‌കർ നാമനിർദ്ദേശ പ്രഖ്യാപനം ഇന്ന്. ആർആർആർ ഉൾപ്പെടെ നാല് ഇന്ത്യൻ ചിത്രങ്ങളാണ് വിവിധ ഭാഗങ്ങളിലായി നാമനിർദ്ദേശം ലഭിക്കാൻ ഷോർട് ലിസ്റ്റ് ചെയ്യപ്പെട്ടിരിക്കുന്നത്. വൈകുന്നേരം ഏഴ് മണിക്കാണ് പ്രഖ്യാപന ചടങ്ങുകൾ ആരംഭിക്കുക. ഗോൾഡൻ ഗ്ലോബ് നേടിയ രാജമൗലിയുടെ ആർ.ആർ.ആർ ആണ് ഇന്ത്യൻ പ്രതീക്ഷയിൽ മുന്നിലുള്ളത്. ഒറിജിനൽ സോംഗ് വിഭാഗത്തിലാണ് ഗാനം ഷോർട്‌ലിസ്റ്റ് ചെയ്യപ്പെട്ടിരിക്കുന്നത്.
ഇന്റർനാഷണൽ ഫീച്ചർ ഫിലിം വിഭാഗത്തിൽ പാൻ നളിന്റെ ഗുജറാത്തി ചിത്രം ചെല്ലോ ഷോ, ഡോക്യുമെന്ററി ഫീച്ചർ ഫിലിം വിഭാഗത്തിൽ ‘ഓൾ ദ ബ്രത്ത്‌സ്’, ഡോക്യുമെന്ററി ഷോർട് ഫിലിം വിഭാഗത്തിൽ ‘ ദി എലിഫെന്റ് വിസ്‌പേഴ്‌സ്’ തുടങ്ങിയവ ഓസ്‌കർ നാമനിർദ്ദേശം പ്രതീക്ഷിക്കുന്നു.
ജെയിംസ് കാമറൂണിന്റെ ‘അവതാർ ദ വേ ഓഫ് വാട്ടർ’, ടോം ക്രൂസിന്റെ ‘ടോപ് ഗൺ മാവെറിക്’ തുടങ്ങിയ ചിത്രങ്ങളും മികച്ച ചിത്രമാകാൻ മത്സരരംഗത്തുണ്ട്. കഴിഞ്ഞ ചൊവ്വാഴ്ചയാണ് ഒരാഴ്ച നീണ്ടു നിന്ന് വോട്ടൈടുപ്പ് അവസാനിച്ചത്. 23 വിഭാഗങ്ങളിലേക്കുള്ള നാമനിർദ്ദേശ പട്ടികയാണ് ഇന്ന് പ്രഖ്യാപിക്കുന്നത്. മാർച്ച് 12നാണ് ഓസ്‌കർ പുരസ്‌കാര പ്രഖ്യാപനം.
Discussion about this post