ന്യൂഡൽഹി : വാഷിംഗ് മെഷീനിൽ വീണ ഒന്നര വയസുകാരൻ അത്ഭുതകരമായി രക്ഷപ്പെട്ടു. ഡൽഹിയിലാണ് സംഭവം. സോപ്പുവെള്ളം നിറച്ച വാഷിംഗ് മെഷീനിൽ 15 മിനിറ്റോളം നേരമാണ് കുഞ്ഞ് പെട്ടുകിടന്നത്. അപകടത്തെ തുടർന്ന് ഏഴ് ദിവസത്തോളം കുട്ടി കോമയിലായിരുന്നു.
വാഷിംഗ് മെഷീനിൽ തുണിയിട്ട ശേഷം അത് തുറച്ച് വെച്ച് അമ്മ മുറിയിൽ നിന്ന് പുറത്തുപോയിരുന്നു. ഈ തക്കം നോക്കി വാഷിംഗ് മെഷീനിൽ പിടിച്ച് കയറിയ കുട്ടി അതിനുള്ളിലേക്ക് വീഴുകയായിരുന്നു. കസേരയിട്ട് വാഷിംഗ് മെഷീന്റെ മുകളിലെത്തിയ കുഞ്ഞ് കാലി തെറ്റി വീണതാകാം എന്നാണ് പ്രാഥമിക വിവരം.
അബോധാവസ്ഥയിലാണ് കുട്ടിയെ ആശുപത്രിയിലെത്തിച്ചത്. ശ്വസിക്കാൻ ബുദ്ധിമുട്ടുണ്ടായിരുന്ന കുട്ടിയുടെ ശരീരം ആകെ തണുത്തിരുന്നു. ഡൽഹിയിലെ വസന്ത് കുഞ്ചിലെ ഫോർട്ടിസ് ആശുപത്രിയിലാണ് ചികിത്സ തേടിയത്. ആവശ്യമായ ആന്റിബയോട്ടിക്കുകൾ നൽകിയതോടെ കുട്ടി പതിയെ സുഖം പ്രാപിക്കാൻ തുടങ്ങി. ഏഴ് ദിവസത്തോളം കോമയിലും 12 ദിസവം വാർഡിലും കിടന്ന ശേഷമാണ് ആശുപത്രിയിൽ നിന്ന് മടങ്ങിയത്.
Discussion about this post