മലപ്പുറം: കരിപ്പൂരിൽ രണ്ടു കിലോയോളം സ്വർണവും 8 ലക്ഷം രൂപയുടെ വിദേശ കറൻസിയുമായി മൂന്നുപേർ കസ്റ്റംസ് പിടിയിൽ. എയർ ഇന്ത്യ എക്സ്പ്രസ് വിമാനത്തിൽ ദോഹയിൽ നിന്നും എത്തിയ താമരശേരി സ്വദേശിയായ രായരുകണ്ടി റാഷികിൽ (27) നിന്നും 1066 ഗ്രാം സ്വർണമാണ് പിടികൂടിയത്. ഇയാൾ ശരീരത്തിൽ ക്യാപ്സ്യൂൾ രൂപത്തിലാണ് സ്വർണം കടത്താൻ ശ്രമിച്ചത്.
സ്പൈസ് ജെറ്റ് എയർലൈൻസ് വിമാനത്തിൽ ദുബായിൽ നിന്നും എത്തിയ മലപ്പുറം അരീക്കോട് സ്വദേശിയായ പാമ്പോടൻ മുനീറിൽ (27) നിന്നും 1078 ഗ്രാമും തൂക്കം വരുന്ന നാലു ക്യാപ്സ്യൂളുകൾ വീതമാണ് കസ്റ്റംസ് പിടികൂടിയത്.
സ്വർണം കടത്തുന്നവരെക്കുറിച്ച് രഹസ്യവിവരം നൽകുന്നവർക്ക് കിലോഗ്രാമിന് 1.5 ലക്ഷം രൂപ വരെ പ്രതിഫലം നൽകുമെന്നും വിവരം തരുന്നവരുടെ വിശദാംശങ്ങൾ രഹസ്യമായി സൂക്ഷിക്കുമെന്നും കസ്റ്റംസ് അറിയിച്ചു. ഫോൺ: 0483 2712369.
