ന്യൂഡൽഹി: കൊവിഡിന്റെ പുതിയ വകഭേദമായ എക്സ്ബിബി.1.6 രാജ്യത്ത് കൂടുതൽ പേരിൽ സ്ഥിരീകരിച്ചു. കർണാടക, മഹാരാഷ്ട്ര, പുതുച്ചേരി, ഡൽഹി എന്നിവിടങ്ങളിലായി 76 പേരിലാണ് പുതിയ വകഭേദം സ്ഥിരീകരിച്ചത്. കഴിഞ്ഞ ജനുവരി ഒന്നിനാണ് കൊവിഡിന്റെ പുതിയ വകഭേദമായ എക്സ്ബിബി.1.6 രാജ്യത്ത് ആദ്യമായി റിപ്പോർട്ട് ചെയ്തത്.
അതേസമയം രാജ്യത്ത് കൊവിഡ് കേസുകളിൽ വർദ്ധനവ് രേഖപ്പെടുത്തി. 800 പേർക്കാണ് കഴിഞ്ഞ ദിവസം രാജ്യത്ത് കൊവിഡ് സ്ഥിരീകരിച്ചത്. കഴിഞ്ഞ നാല് മാസങ്ങൾക്കിടയിലെ ഏറ്റവും ഉയർന്ന കണക്കാണ് ഇത്.
നിലവിൽ രാജ്യത്തെ ആകെ കൊവിഡ് കേസുകളുടെ എണ്ണം 5,389 ആണ്. ഈ സാഹചര്യത്തിൽ, ശ്വാസകോശ സംബന്ധമായ രോഗങ്ങളുള്ളവർ മാസ്ക് ധരിക്കണമെന്ന് ആരോഗ്യ വിദഗ്ധർ മുന്നറിയിപ്പ് നൽകുന്നു.
കൊവിഡിന്റെ പുതിയ വകഭേദമായ എക്സ്ബിബി.1.6 ആണ് രാജ്യത്ത് നിലവിൽ കൊവിഡ് കേസുകൾ ഉയരാൻ കാരണം എന്നാണ് നിഗമനം. കൊവിഡ് കേസുകൾ വർദ്ധിക്കുന്ന സാഹചര്യത്തിൽ കേരളം ഉൾപ്പെടെ 6 സംസ്ഥാനങ്ങൾക്ക് കേന്ദ്ര ആരോഗ്യ മന്ത്രാലയം മുന്നറിയിപ്പ് നൽകിയിരുന്നു.
Discussion about this post