ചെന്നൈ: പ്രഷർ കുക്കർ, അലക്ക് കൊട്ടകൾ, ഷൂ ബോക്സുകൾ എന്നിവയുമായി വിദ്യാർത്ഥികൾ കോളേജിലേക്ക്. കേൾക്കുമ്പോൾ ഞെട്ടൽ വേണ്ട. ‘നോ ബാഗ് ഡേ’ ക്യാമ്പയിനിങ്ങിൻറെ ഭാഗമായാണ് വിചിത്രമായ ആശയങ്ങളുമായി ചെന്നൈയിലെ ഒരു ക്യാമ്പസ് ഇത്തരത്തിൽ ഒരു ദിവസം ആഘോഷിച്ചത്. ഇൻസ്റ്റാഗ്രാമിലെ വിൻസ് & ഇഫ്ര എന്ന പേജിലൂടെയാണ് വിദ്യാർത്ഥികൾ വീഡിയോ പങ്കുവെച്ചിരിക്കുന്നത്.
ചെന്നൈയിലെ വിമൻസ് ക്രിസ്ത്യൻ കോളേജിലെ വിദ്യാർത്ഥികൾ ആണ് “നോ ബാഗ് ഡേ” ആഘോഷിച്ച വീഡിയോ സമൂഹമാദ്ധ്യമങ്ങളിലൂടെ പങ്കുവെച്ചത്. നിരവധി പേരാണ് ബക്കറ്റുകളും സ്ട്രോളറുകളുമായി ക്യാമ്പസിലെത്തിയത്. ഓരോ വിദ്യാർത്ഥികൾ ക്യാമ്പസിലെത്തുമ്പോഴും പൊട്ടിചിരികളോടെയാണ് കൂട്ടുകാർ ഇവരെ സ്വാഗതം ചെയ്യുന്നത്.
വിദ്യാർത്ഥികൾ പങ്കുവെച്ച വീഡിയോ ഇതിനകം തന്നെ ഒരു മില്യണിലധികം വ്യൂസ് നേടി.സീനിയർ വിദ്യാർത്ഥികളും വീഡിയോയ്ക്ക് പിന്തുണയുമായെത്തിയതോടെ സംഭവം കൊഴുത്തു.
“ഞാൻ ഡബ്ല്യുസിസിയിൽ ആയിരിക്കുമ്പോൾ ഇത് ഉണ്ടായിരുന്നെങ്കിൽ എന്ന് ആശിച്ചു പോയി ! പക്ഷേ ജൂനിയർമാരേ, നിങ്ങൾ ക്യാമ്പസിനെ കൊന്നു,” എന്നിങ്ങനെ പോകുന്നു ചിലരുടെ പ്രതികരണങ്ങൾ. “ഹേയ് അത് സർഗ്ഗാത്മകമാണ്, അവർ നൂതന ആശയങ്ങളുമായി വരുന്നത് കാണാൻ തന്നെ വളരെ മനോഹരമായിട്ടുണ്ട്.” എന്നായിരുന്നു ഒരു സീനിയർ വിദ്യാർത്ഥിയുടെ പ്രതികരണം.
Discussion about this post