തിരുവനന്തപുരം: ലോകമെമ്പാടുമുള്ള മലയാളികൾക്ക് വിഷു ആശംസകളുമായി മോഹൻലാൽ. ഏവർക്കും ഐശ്വര്യവും സമ്പദ് സമൃദ്ധിയും നിറഞ്ഞ വിഷു ആശംസിക്കുന്നതായി അദ്ദേഹം പറഞ്ഞു. ഫേസ്ബുക്ക് കുറിപ്പിലൂടെയായിരുന്നു അദ്ദേഹം ആശംസ സന്ദേശം പങ്കുവച്ചത്.
വിഷു ദിനത്തിൽ സ്നേഹത്തിന്റെ കണിക്കൊന്നകൾ വിടരട്ടെ. ഏവർക്കും ഐശ്യര്യവും സമ്പൽ സമൃദ്ധിയും നിറഞ്ഞ വിഷു ആശംസകളെന്ന് മോഹൻലാൽ ഫേസ്ബുക്കിൽ കുറിച്ചു. വീട്ടിൽ ഒരുക്കിയ കണിയുടെ ചിത്രവും താരം ഫേസ്ബുക്കിൽ പങ്കുവച്ചിട്ടുണ്ട്.
മോഹൻലാലിന് പുറമേ മമ്മൂട്ടിയും വിഷു ആശംസകൾ അറിയിച്ചു. എല്ലാവർക്കും എന്റെ ഹൃദയം നിറഞ്ഞ വിഷു ആശംസകൾ എന്നായിരുന്നു മമ്മൂട്ടി ഫേസ്ബുക്കിൽ കുറിച്ചത്. കണിയൊരുക്കിയതിന്റെ ചിത്രം പങ്കുവച്ച് നടൻ ജയറാമും ആശംസകൾ അറിയിച്ചു.
എല്ലാവർക്കും നല്ലൊരു വിഷു ദിനം ആഘോഷിക്കുന്നതായി ഉണ്ണി മുകുന്ദൻ ട്വീറ്റ് ചെയ്തു. എല്ലാവർക്കും ഹൃദയം നിറഞ്ഞ വിഷു ആശംസിക്കുന്നതായി ദിലീപും ഫേസ്ബുക്കിൽ കുറിച്ചു.
Discussion about this post