ന്യൂഡൽഹി: കേരളത്തിലെ ജനങ്ങൾക്ക് വിഷു ആശംസകൾ നേർന്ന് ബിജെപി ദേശീയ അദ്ധ്യക്ഷൻ ജെ.പി നദ്ദ. ഈ വർഷം എല്ലാവർക്കും സമാധാനവും സന്തോഷവും സമൃദ്ധിയും നൽകട്ടെയെന്ന് അദ്ദേഹം പറഞ്ഞു. സമൂഹമാദ്ധ്യമത്തിൽ മലയാളത്തിലായിരുന്നു അദ്ദേഹം ആശംസ പങ്കുവച്ചത്. അദ്ദേഹത്തിന് തിരിച്ചും ആളുകൾ ആശംസ നേർന്നു.
കേരളത്തിലെ എല്ലാം ജനങ്ങൾക്കും എന്റെ ഹൃദയം നിറഞ്ഞ വിഷു ആശംസകൾ. ഈ പുതുവർഷം എല്ലാവർക്കും സമാധാനവും സന്തോഷവും സമൃദ്ധിയും നൽകട്ടെ എന്ന് ആശംസിക്കുന്നു- നദ്ദ ട്വീറ്റ് ചെയ്തു.
പ്രധാനമന്ത്രി നരേന്ദ്ര മോദിയും കേരളീയർക്ക് വിഷു ആശംസകൾ നേർന്നിരുന്നു. വിഷുവിന്റെ പ്രത്യേക വേളയിൽ ഏവർക്കും ആശംസകൾ. എല്ലാവർക്കും സന്തോഷവും ആരോഗ്യവും നിറഞ്ഞ ഒരു വർഷം ആശംസിക്കുന്നു. നിങ്ങളുടെ ജീവിതത്തിൽ വിജയവും സമൃദ്ധിയും ഉണ്ടാകട്ടെയെന്നായിരുന്നു പ്രധാനമന്ത്രി പറഞ്ഞത്.
Discussion about this post